औक्षण आणि 'लाभले आम्हास भाग्य'चं गायन, जपानमध्ये देवेंद्र फडणवीस यांचं मराठमोळ्या पद्धतीने स्वागत

राज्याचे उपमुख्यमंत्री देवेंद्र फडणवीस पाच दिवसांच्या जपान दौऱ्यावर आहेत.

जपानमध्ये पोहोचल्यावर देवेंद्र फडणवीस यांचं विमानतळावर मराठमोळ्या पद्धतीने स्वागत करण्यात आलं.

देवेंद्र फडणवीस यांचं औक्षण करण्यात आलं. सोबतच यावेळी लाभले आम्हास भाग्य या गीताच गायन देखील यावेळी झालं.

जपान अगदी महाराष्ट्रमय झाल्यासारखं वाटलं, त्यांनी माझ्यावर केलेल्या प्रेमवर्षावाने मी अतिशय सुखावलो आहे, अशी प्रतिक्रिया फडणवीस यांनी दिली.

20 ते 25 ऑगस्ट असा देवेंद्र फडणवीस यांचा दौरा असून ते जपानमध्ये गुंतवणूकदारांना भेटणार आहेत.

याशिवाय देवेंद्र फडणवीस हे जपानचे पंतप्रधान फुमयो किशिदा यांनाही भेटण्याची शक्यता आहे.

जपान सरकारने फडणवीस यांना शासकीय अतिथी म्हणून निमंत्रण दिलं आहे.