उकाड्याने नागरिक हैराण, तीव्र तापमानात आता पावसाचे अलर्ट, तुमच्या शहराचं तापमान तपासा Photos

राज्यात प्रचंड उकाडा जाणवतोय. उष्णतेची धग आला वाढली आहे. हवामान विभागाने आता येत्या आठवडाभरात पावसाचे इशारे दिले आहेत.

Tempertaure Today

मध्य महाराष्ट्रात सातारा, सांगली, कोल्हापूर, अहमदनगर, नाशिक, पुणे जिल्ह्यात पावसाची शक्यता वर्तवण्यात आली आहे.

पावसाची शक्यता वर्तवण्यात आली असली तरी राज्यात बहुतांश ठिकाणी कमाल तापमानाचा पारा चढाच असल्याचे नोंदवले गेले.

किमान तापमानही गेल्या काही दिवसांपासून सामान्यहून अधिक नोंदवले जात आहे. त्यामुळे सकाळी 9 वाजल्यापासूनच नागरिकांना उन्हाच्या झळा बसू लागल्या आहेत.

बहुतांश ठिकाणी तापमानात 1-2 अंशांची घसरण झालेली असली तरी कमाल तापमानाचा पारा 40 अंशांच्या पुढेच आहे.

आज विदर्भ, मराठवाड्यासह दक्षिण मध्य महाराष्ट्रातील काही जिल्ह्यांमध्ये ढगाळ वातावरण आहे.

आज अमरावती, यवतमाळ, वर्धा ,चंद्रपूर ,गडचिरोली गोंदिया भंडारा आणि नागपूर या जिल्ह्यांना पावसाचा इशारा देण्यात आलाय.

मराठवाड्यात जालना, हिंगोली, परभणी, नांदेड, बीड हे जिल्हे उष्ण राहणार असून लातूर, धाराशिव ,छत्रपती संभाजीनगरमध्ये पावसाची शक्यता आहे.