सावधान! उष्णतेची लाट, काही जिल्ह्यांना पावसाची शक्यता, महाराष्ट्रात पुढील 3 दिवस तापमानाचा उद्रेक, Photos

तापमानाचा उद्रेक वाढत असताना काही जिल्हे वगळता उर्वरित भागात पावसाची शक्यता नाही. त्यामुळे येत्या तीन दिवसात प्रचंड तापमानाच्या झळा बसणार आहेत.

Weather Update

राज्यभरात तापमानाचा चटका असह्य झालाय. विदर्भात तर दुपारच्या भर उन्हात घराबाहेर पडणं भीतीदायक वाटणारं आहे.

बहुतांश ठिकाणी तापमानाचा उच्चांक दिसत असून विदर्भात 21 ते 23 एप्रिल दरम्यान उष्णतेच्या लाटेची शक्यता आहे.

अकोला, चंद्रपूर, नागपूर, वर्धा आणि यवतमाळमध्ये तापमान सरासरीपेक्षा अधिक राहण्याचा अंदाज हवामान विभागाने वर्तवला आहे.

मराठवाड्यात आज आणि उद्या काही ठिकाणी तापमान उष्ण आणि दमट राहणार असून रविवारी संध्याकाळी मराठवाड्यातील काही जिल्ह्यात हलक्या पावसाची शक्यता आहे.

सिंधुदुर्गात आज काही भागात हलक्या पावसाचा अंदाज आहे.रायगड जिल्ह्यात उष्णतेचा पारा 40 अंश डिग्री सेल्सिअसच्या वर गेलाय.

वाढत्या उष्णतेत महाराष्ट्रातले नागरिक हैराण झाले आहेत. उष्णतेत दिलासा मिळण्यासाठी नागरिकांची थंड पेयांना पसंती दिली जात आहे.

येत्या चार दिवसात मराठवाडा, मध्य महाराष्ट्र तसेच नंतर विदर्भात उष्ण आणि दमट हवामानाचा यलो अलर्ट आहे.