Governor Acharya Devvrat: राज्यपाल येती घरा... शेतकऱ्याच्या सारवलेल्या घरात महामहिमांनी खाली बसून केलं जेवण; साधेपणाचे फोटो व्हायरल

Governor Acharya Devvrat: राज्यपाल आचार्य देवव्रत दोन दिवसांच्या नाशिक दौऱ्यावर आले होते. पिंपरखेड गावी त्यांनी मुक्काम करून गावकऱ्यांशी संवाद साधला.

Governor Acharya Devvrat

राज्यपाल आचार्य देवव्रत यांनी दिंडोरी तालुक्यातील पिंपरखेड गावात एका शेतकरी कुटुंबाच्या घरी जाऊन पारंपरिक जेवणाचा आस्वाद घेतला, हा प्रसंग गावकऱ्यांसाठी अविस्मरणीय ठरला.

हिरामण शंकर साबळे यांच्या साध्या घरात राज्याच्या प्रथम नागरिकांनी पाय ठेवताच साबळे कुटुंब भारावून गेले, आनंदाश्रूंनी वातावरण भरून आले.

राज्यपाल येणार असल्याची माहिती मिळताच साबळे कुटुंबाने घराची रंगरंगोटी केली, प्रवेशद्वारावर आकर्षक वारली चित्रकला साकारण्यात आली.

साबळे कुटुंबातील गोजरताई यांनी पारंपरिक आदिवासी आणि ग्रामीण पदार्थांची खास मेजवानी तयार केली.

या मेजवानीत लाल, पांढरी नागली व बाजरीची भाकरी, उडीदाचे वरण, हरभऱ्याची भाजी, अळू आणि वर्कण कंदाची भाजी यांचा समावेश होता.

Continues below advertisement

राज्यपाल आचार्य देवव्रत यांनी अत्यंत साधेपणाने जमिनीवर बसून कुटुंबीयांसोबत जेवणाचा आस्वाद घेतला, यामुळे उपस्थितांना विशेष भावनिक अनुभव आला.