Happy Birthday Aditya Thackeray : कलाविश्वापासून राजकारणापर्यंत, कायम चर्चेत असणारे आदित्य ठाकरे

ठाकरे कुटुंबातूनच राजकारणाचा वारसा मिळालेल्या आदित्य ठाकरे यांनी कायमच सर्वांचं लक्ष वेधलं.

मंत्रीपदाशी शपथ घेणं असो किंवा मग दसरा मेळाव्याच्या वेळी उभ्या महाराष्ट्रापुढं नतमस्तक होणं असो. हिंदुहृदयसम्राट बाळासाहेब ठाकरे यांचा हा नातू फार कमी वयातच राज्याच्या कारभारातही मोलाचा वाटा उचलू लागला.

वडिलांना मिळालेलं मुख्यमंत्रीपद आणि आपल्या वाट्याला आलेलं पर्यावरण मंत्रीपद या दोन्ही पदांचा मान राखत कायमच आदित्य ठाकरे यांनी जनमानसातही आपलं भक्कम स्थान निर्माण केलं.

विकासकामांची पाहणी करणं असो किंवा एखादा नव्या संकल्पनेचा उपक्रम राबवणं असो, आदित्य ठाकरे यांनी कायमच नव्या संकल्पना, तरुणाईची विचारसरणी या गोष्टींनाही आपल्या कामात प्राधान्य दिलं आहे.

राजकीय वर्तुळात त्यांचा वावर कायमच चर्चेत असतो. कलाविश्वातही त्यांचे अनेक मित्रमैत्रीणी असल्यामुळं तिथेही आदित्य ठाकरे हे नाव कुणासाठी नवं नाही.

अशा या तरुणाईचं प्रतिनिधीत्व करणाऱ्या नेत्याला वाढदिवसाच्या शुभेच्छा. (सर्व छायाचित्रे- सौजन्य - आदित्य ठाकरे इन्स्टाग्राम/ फेसबुक)