पुण्याच्या सदाशिव पेठीतील चव्हाण वाड्याला आग; घरातील साहित्य जळून खाक

पुण्याच्या सदाशिव पेठीतील चव्हाण वाड्याला आग लागल्याची घटना घडली आहे.

Pune Fire News

पुण्यात आज रात्री आठ वाजता 1291 सदाशिव पेठ, चव्हाण वाडा याठिकाणी आग लागल्याची घटना घडली.

या घटनेची माहिती मिळताच अग्निशमाक दलाकडून पाच वाहने दाखल झाली.

सध्या आग विझवण्याचे काम सुरु असून, आगीवर नियंत्रण मिळवण्यात आले आहे.

घटनास्थळी एक मजली वाडा आहे. यामध्ये एकूण चार कुटुंबे राहात होती.

सदर ठिकाणी छतावर आग लागल्याचे निदर्शनास येताच कुटुंबातील रहिवाशांनी अग्निशमन दलास पाचारण करीत वाड्याबाहेर धाव घेतली.

अग्निशामक दलाच्या जवानांनी आग व धूर मोठ्या प्रमाणात असल्याने वाड्यात आतमध्ये प्रवेश करून प्रथम कोणी अडकले नाही खाञी करीत तीन सिलेंडर बाहेर काढले.

आगीवर पाणी मारून सुमारे वीस मिनिटात आग आटोक्यात आणून कुलिंगचे काम सुरु ठेवले आहे.

आग इतरत्र पसरु न देता मोठा धोका टळला आहे. या आगीमध्ये घरातील सर्व साहित्य जळाले असून खाली असणाऱ्या दुकानदारांनी त्वरीत मालाचा साठा बाहेर घेतल्याने नुकसान टळले आहे.

आग नेमकी कशामुळे लागली याचे निश्चित कारण समजू शकले नसून जखमी वा जिवितहानी नाही.

अग्निशामक दलाच्या जवानांनी आग व धूर मोठ्या प्रमाणात असल्याने वाड्यात आतमध्ये प्रवेश करून प्रथम कोणी अडकले नाही खाञी करीत तीन सिलेंडर बाहेर काढले.