PHOTO : धाराशिवमध्ये आभाळ फाटलं, 24 जणांना हेलिकॉप्टरने रेस्क्यू, बीडमध्येही पावसाचा धुमाकूळ, धडकी भरवणारे दृश्य

Dharashiv Beed Rain : धाराशिव जिल्ह्यातील भूम-परंडा परिसरात पूरस्थिती गंभीर बनली आहे. तर बीडमध्ये अनेक गावात पूरस्थिती निर्माण झाली आहे.

Dharashiv Beed Rain

बीड जिल्ह्यात मध्यरात्री मुसळधार पावसाने दाणादाण उडवली असून बीड, शिरूर, पाटोदा, आष्टी आणि गेवराई तालुक्यांना सर्वाधिक फटका बसला आहे. अनेक गावं अजूनही पाण्यात वेढलेली आहेत.

ढगफुटी सदृश पावसामुळे पाटोदा तालुक्यातील उखंडा तलाव आणि सिंधफना नदीने धोक्याची पातळी ओलांडली आहे.

नदीकाठच्या गावांमध्ये पुराचे मोठे संकट उभे ठाकले आहे.

शिरूर तालुक्यातील शिरापूर गावात पाच नागरिक पुराच्या पाण्यात अडकले होते. NDRF टीमने धाडसाने त्यांची सुखरूप सुटका केली.

धाराशिव जिल्ह्यातील भूम-परंडा परिसरातही पूरस्थिती गंभीर बनली आहे. काही भागांमध्ये मिलिटरीच्या हेलिकॉप्टरने नागरिकांचा रेस्क्यू सुरू आहे.

Continues below advertisement

परांडा तालुक्यातील देवगाव वडनेर येथून 24 नागरिकांची यशस्वी सुटका करण्यात आली आहे. मात्र अजूनही पाच जण पाण्यात अडकले असल्याची माहिती मिळतेय.

हेलिकॉप्टर ऑपरेशनला सतत पडणाऱ्या पावसामुळे अडथळे येत आहेत. त्यामुळे काही ठिकाणी बचाव कार्यासाठी मिलिटरीच्या बोटी उतरवण्यात येत आहेत.

उपमुख्यमंत्री अजित पवार स्वतः या संपूर्ण रेस्क्यू ऑपरेशनवर लक्ष ठेवून आहेत. त्यांनी प्रशासनाला सतत मदतीच्या सूचना दिल्या आहेत.

प्रशासनाकडून तातडीने पावले उचलली जात आहेत.

NDRF, SDRF, पोलिस, स्थानिक प्रशासन आणि लष्कर एकत्र काम करत असून पूरग्रस्तांना वाचवण्यासाठी शर्थीचे प्रयत्न सुरू आहेत.