PHOTO : डेक्कन क्वीन अर्थात दख्खनच्या राणीचा 92 वा वाढदिवस दणक्यात!

Deccan Queen Birthday

मुंबईहून सुटणारी डेक्कन क्वीन या लेजेंडरी एक्सप्रेसचा आज वाढदिवस आहे. डेक्कन क्वीनला 92 वर्षे पूर्ण झाली. डेक्कन क्वीनने 1 जून 1930 रोजी आपला पहिला प्रवास सुरु केला होता.

पुणे-मुंबई-पुणे असा प्रवास करणारी ही गाडी दोन्ही शहरांच्या विकासाच्या दृष्टीने अत्यंत महत्त्वाची आहे. कित्येक वर्षे डेक्कन क्वीनने दररोज पुणे-मुंबई-पुणे प्रवास करणारे प्रवासी आहेत.

कोरोनामुळे सलग दोन वर्षे वाढदिवसाला डेक्कन क्वीनचा रेक मुंबई यार्डातच होता. यावेळी इंजिनचं पूजन करत चालकाचा सत्कार देखील करण्यात आला आणि त्यानंतर ही गाडी मार्गस्थ झाली.

येत्या 22 जून पासून या गाडीचे जुने डबे बाजूला करुन नवीन रंगसंगती आणि सोयी सुविधा असलेले एल एच बी प्रकारातील डबे जोडण्यात येणार आहेत.

या गाडीचे वैशिष्ट्य म्हणजे ही भारतातील एकमेव अशी गाडी आहे ज्यात डायनिंग कार आहे, म्हणजेच चालत्या गाडीत हॉटेलसारखे बसून खाण्याची सोय आहे.