विधान भवनाच्या पायऱ्यांवर सुरेश धस, जयंत पाटील अन् जितेंद्र आव्हाडांमध्ये खलबतं; राजकीय वर्तुळात चर्चेला उधाण

Maharashtra Budget Session 2025 : विधान भवनाच्या पाय-यावर भाजप आमदार सुरेश धस आणि राष्ट्रवादी शरद पवार गटाचे नेते जयंत पाटील आणि जितेंद्र आव्हाड चर्चा करत असल्याचे बघायला मिळाले आहे.

Maharashtra Budget Session 2025

राज्य विधिमंडळाच्या अर्थसंकल्पीय अधिवेशनाला (Maharashtra Budget Session 2025) कालपासून (3 मार्च) सुरुवात झाली आहे.

मुख्यमंत्री देवेंद्र फडणवीस (Devendra Fadnavis) यांच्या नेतृत्वात असलेल्या महायुती सरकरचा हा पहिला अर्थसंकल्प आहे. तर अर्थमंत्री म्हणून अजित पवार (Ajit Pawar) अर्थसंकल्प कसा मांडणार याकडे सर्वांचं लक्ष आहे.

दुसरीकडे सरपंच संतोष देशमुख यांची हत्या (Santosh Deshmukh Death Case) करताना केलेल्या अमानुष अत्याचाराचे फोटो सोमवारी रात्री समोर आलेत. यानंतर महाराष्ट्रात संतापाची लाट उसळल्याचे पाहायला मिळत आहे.

तर आज राज्याचे अन्न व नागरी पुरवठा मंत्री धनंजय मुंडे (Dhananjay Munde) यांनी राजीनामा दिलाया.

या सर्व मुद्यांवरुन राज्याचे राजकारण तापले असताना आज ( 4 मार्च) विधान भवनाच्या पाय-यावर भाजप आमदार सुरेश धस आणि राष्ट्रवादी शरद पवार गटाचे नेते जयंत पाटील आणि जितेंद्र आव्हाड चर्चा करत असल्याचे बघायला मिळाले आहे.

भर उन्हात तीन ही नेते एकत्र बसुन गप्पा करत असल्याने अनेकांच्या नजरा त्याच्याकडे लागल्या असल्याचे ही बघायला मिळाले.

दरम्यान, बीड प्रकरण आणि धनंजय मुंडे यांच्या संदर्भात ही चर्चा सुरु असल्याची माहिती पुढे आली असून अनेक चर्चा या निमित्याने आता रंगू लागल्या आहेत.