PHOTO : Hanuman Jayanti 2022 : देवगडमधील कलाकाराने रुईच्या पानावर हनुमानाचं चित्र रेखाटलं!

Hanuman Painting on Rui Leaf

देशभरात आज मोठ्या उत्साहात हनुमान जन्मोत्सव साजरा केला जात आहे.

सिंधुदुर्ग जिल्ह्यातील देवगडमधील चित्रकार अक्षय मेस्त्री या कलाकाराने रुईच्या पानावर हनुमानाचे चित्र रेखाटलं आहे.

हनुमानाला रुईच्या पानांची माळ घालण्यामागेही एक आख्यायिका सांगितली जाते. हनुमानाची माता अंजनी ही निस्सीम गणेशभक्त होती.

आपल्या पुत्रावर आपल्या उपास्य दैवताची कृपादृष्टी व्हावी, इतकेच नव्हे, तर त्याला बळ, बुद्धी, विघ्नहर्तत्व नित्य लाभावे, यासाठी अंजनी हनुमानाच्या गळ्यात रुईच्या पानांची माळ घातली.

आपल्या मातेची स्मृती म्हणून हनुमान पुढे रुईची माळ गळ्यात धारण करु लागला आणि म्हणूनच भाविक त्याला रुईच्या पानांची माळ घालतात.

त्यामुळे त्या रुईच्या पानावर अक्षय मेस्त्री यांनी हनुमानाचं चित्र रेखाटलं आहे.