Kondeshwar Temple Waterfall : खुशखबर! पहिल्याच पावसात बदलापूरचा कोंडेश्वर धबधबा प्रवाहित; पर्यटकांची एकच गर्दी

Kondeshwar Temple Waterfall : राज्यासह मुंबई आणि उपनगरात रविवारी रात्रीपासून कोसळणाऱ्या मुसळधार पावसामुळे बदलापुरातील प्रसिद्ध कोंडेश्वरचा धबधबा पहिल्याच पावसात प्रवाहित झालाय.

Kondeshwar Temple Waterfall

Kondeshwar Temple Waterfall : राज्यासह मुंबई आणि उपनगरात रविवारी रात्रीपासून कोसळणाऱ्या मुसळधार पावसामुळे बदलापुरातील प्रसिद्ध कोंडेश्वरचा धबधबा प्रवाहित झालाय.

त्यामुळे बदलापूरसह मुंबईतील पर्यटकांची पावसाळी पर्यटनासाठी पावलं कोंडेश्वरकडे वळू लागली आहेत.

बदलापूर पासून 7 किलोमीटर अंतरावर कोंडेश्वर धबधबा आहे. पावसाळ्यात या ठिकाणचं निसर्गसौंदर्य पर्यटकांना खुणावत असतं.

जून महिन्यात पावसाचं आगमन झाल्यानंतर जुलै आणि ऑगस्टमध्ये कोंडेश्वर धबधब्यावर गर्दी पाहायला मिळते.

मात्र यावेळी पहिल्यांदाच मे अखेरीस हा धबधबा ओसंडून वाहताना पाहायला मिळतोय.

त्यामुळं पावसाचा आनंद लुटण्यासाठी पर्यटकांनी कोंडेश्वर धबधब्यावर गर्दी केलीय.

या धबधब्यात आतापर्यंत अनेकांचा बुडून मृत्यू झालाय. त्यामुळे प्रशासनाकडून पर्यटकांना इथे येण्यास मनाई केली जाते.

मात्र यंदा मान्सूनचं लवकर आगमन झाल्यामुळे बंदी आदेश लागू होण्यापूर्वीच पर्यटकांची पावलं कोंडेश्वर धबधब्याकडे वळू लागल्याचं चित्र पाहायला मिळतंय.

या परिसरात शंभू महादेवाचे मंदिर असून कोंडेश्वर महादेव मंदिराच्या नावावरूनच या या धबधब्याला कोंडेश्वर धबधबा बोललं जात असल्याचे स्थानिक सांगतात.