Jyotiraditya Shinde : शिराळामध्ये पूर्वीप्रमाणे नागपंचमी होण्यासाठी प्रयत्न करणार; ज्योतिरादित्य शिंदे यांची ग्वाही

शिराळामध्ये पूर्वीप्रमाणे नागपंचमी होण्यासाठी प्रयत्न करणार असल्याची ग्वाही केंद्रीय मंत्री ज्योतिरादित्य शिंदे यांनी दिली. केंद्रीय पर्यावरण मंत्र्यांना याबाबत माहिती देणार असल्याचे ते म्हणाले.

Jyotiraditya Shinde

केंद्रीय विमान वाहतूक मंत्री ज्योतिरादित्य शिंदे कोल्हापूर दौऱ्यावर आहेत.

त्यांच्या उपस्थितीत आज शिराळामध्ये मेळावा पार पडला.

यावेळी भाजपचे अनेक स्थानिक नेते पदाधिकारी उपस्थित होते.

लोकसभा प्रवास अभियानांतर्गत कोल्हापूर दौऱ्यावर असलेल्या ज्योतिरादित्य शिंदे यांनी विविध योजनांच्या लाभार्थ्यांशी संवाद साधला.

सर्वसामान्य जनतेस केंद्रभूत ठेवूनच केंद्र सरकारने विविध योजना अंमलात आणल्या असल्याचे ते म्हणाले.

त्या जनतेपर्यंत पोहोचवण्यासाठी भाजपा पदाधिकारी व कार्यकर्ते नेहमीच प्रयत्नशील असतात, असेही त्यांनी सांगितले.

लोकांना योजनांचा लाभ मिळवून देण्यासाठी इथून पुढेही कार्यरत राहू, असा विश्वास त्यांनी यावेळी व्यक्त केला.

शिराळामध्ये पूर्वीप्रमाणे नागपंचमी होण्यासाठी प्रयत्न करणार असल्याचेही त्यांनी सांगितले.

केंद्रीय पर्यावरण मंत्र्यांना याबाबत भेटून सविस्तर माहिती दिली जाणार असल्याचेही त्यांनी सांगितले.

भुईकोट किल्ल्यावर छत्रपती संभाजी महाराज यांच्या स्मारकासाठी प्रयत्न केला जाणार असल्याची ग्वाही त्यांनी दिली.