In Photos Kolhapur Circuit Bench: तब्बल दीडशे वर्षांपूर्वी बांधलेली कोल्हापूर सर्किट बेंचची इमारत अवघ्या 25 दिवसात नव्याने सजली

Kolhapur Circuit Bench: या सर्किट बेंचचा लाभ कोल्हापूर, सातारा, सांगली, सोलापूर, रत्नागिरी आणि सिंधुदुर्ग या सहा जिल्ह्यांना होणार आहे. अवघी करवीरनगरी सर्किट बेंचच्या स्वागतासाठी सज्ज झाली आहे.

Kolhapur Circuit Bench

कोल्हापूर सर्किट बेंचचा लोकार्पण सोहळा आज कोल्हापुरातील मेरी वेदर ग्राऊंडवर होत आहे.

देशाचे सरन्यायाधीश भूषण गवई, मुंबई उच्च न्यायालयाचे न्यायमूर्ती अलोक अराध्ये, मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदे यांच्या प्रमुख उपस्थितीत हा कार्यक्रम होईल.

सर्किट बेंच सीपीआरसमोरील दीडशे वर्षांपूर्वी 1874 मध्ये बांधलेल्या आणि कौटुंबिक न्यायालयासाठी वापरात असलेल्या इमारतीमध्ये सुरु होत आहे.

न्यायालयाच्या परिसराचा अवघ्या 25 दिवसात कायापालट करण्यात आला आहे.

न्यायालयसमोरील संपूर्ण अतिक्रमण काढून टाकण्यात आलं आहे. नो पार्किंग आणि नो हाॅकर्स परिसर करण्यात आला आहे.

क्रांती उद्यानामध्येही कारंजा कार्यरत करण्यात आला असून पदमार्गही नव्याने करण्यात आला आहे.

राधाबाई इमारतीमध्ये ग्रंथालय, नोंदणी विभाग व व्हिडीओ कॉन्फरन्स रुमचे कामकाज होणार आहे.

सर्किट बेंचसाठी 9 हेक्टर 18 आर जागा शेंडा पार्क येथे प्रस्तावित करण्यात आली आहे.

या जागेसाठी शासनाची मान्यता मिळण्याबाबतची कार्यवाही सुरु असल्याची माहिती जिल्हाधिकारी अमोल येडगे यांनी सरन्यायाधीश भूषण गवई यांना दिली.

कोल्हापूर सर्किट बेंचचे उद्यापासून (18 ऑगस्ट) कामकाज सुरु होत आहे. न्यायमूर्ती आणि प्रशासकीय कामासाठी स्टाफ सुद्धा नियुक्त करण्यात आला आहे.