जोतिबा डोंगरावर उद्या श्रावणषष्ठी यात्रा, भाविकांसाठी 'या' आगारातून एसटी बसेसची सोय

जोतिबा डोंगरावर उद्या (22 ऑगस्ट) चोपडाई देवीची श्रावणषष्ठी यात्रा होत आहे.

प्रशासनाकडून यात्रेची जय्यत तयारी करण्यात आली आहे.

यात्रेसाठी महाराष्ट्रासह कर्नाटक, गुजरात राज्यातून लाखो भाविक हजेरी लावतात.

दुसऱ्या दिवशी बुधवारी धुपारती सोहळ्याने यात्रेची सांगता होईल.

भाविकांसाठी देवस्थान समितीकडून मंदिर परिसरात दर्शन मंडपामध्ये लोखंडी ग्रील, मॅटची व्यवस्था केली आहे.

जोतिबा डोंगरावर रिकाम्या जागेत सपाटीकरण करण्यात आले आहे.

पार्किंग परिसरात लाईटची सोय करण्यात आली आहे.

यात्रेत भाविकांना कापडी पिशवी वापरण्याचे आवाहन केले आहे.

सांगली, सातारा, कराड आगारातून एसटी महामंडळाने जादा एसटी बसेसची सोय केली आहे.

जोतिबा ग्रामपंचायतीकडून संपूर्ण गावात स्वच्छता व औषध फवारणी करण्यात आली आहे.