Kolhapur Rain Update: कोल्हापुरात पंचगंगा नदीनं धोका पातळी गाठली; राधानगरी धरणाच्या दोन दरवाजातून विसर्ग, जिल्ह्यातील कोणते मार्ग बंद अन् पर्यायी मार्गाने वाहतूक सुरु?

Kolhapur Rain Update: जिल्ह्यात काल दिवसभरात गगनबावडा तालुक्यात सर्वाधिक 50.8 मिमी पाऊस पडल्याची नोंद झाली आहे.

Kolhapur Rain Update

कोल्हापूर शहरासह जिल्ह्यात पावसाने उसंत घेतली असली, पंचगंगा नदीने धोक्याची पातळी गाठली आहे

आज (21 ऑगस्ट) दुपारी 12 वाजता पंचगंगा नदी 43 फुटांची धोका पातळी ओलांडली. राधानगरी धरणाच्या दोन स्वयंचलित दरवाजातून भोगावती नदीत विसर्ग सुरु आहे.

जिल्ह्यात काल दिवसभरात गगनबावडा तालुक्यात सर्वाधिक 50.8 मिमी पाऊस पडल्याची नोंद झाली आहे.

कोल्हापूरमधून कसबा बावडा मार्गे शियेला जाणाऱ्या रस्त्यावर पुराचे पाणी आल्याने या मार्गावरील वाहतूक बंद करण्यात आली आहे.

दूधगंगा धरणाच्या पाणलोट क्षेत्रामध्ये पावसाचा जोर ओसरला असून धरणामध्ये येणाऱ्या पाण्याची आवक कमी झाली आहे.

Continues below advertisement

कोल्हापूर - गगनबावडा मार्गावर पुराचे पाणी कमी झाल्यामुळे कोल्हापूर-गगनबावडा मार्ग वाहतुकीसाठी सुरू झाला आहे.

कोल्हापूर -राजापूर मार्ग अजूनही बंद आहे

कोल्हापुरातून राधानगरीकडे येणाऱे मार्ग पाण्यात आहेत

पाणी ओसरल्याने कोल्हापूर गारगोटी मार्ग सुरु झाला आहे.

करवीर तालुक्यातील चिखली येथील पूरग्रस्त नागरिकांचे जिल्हा प्रशासनाच्या वतीने सुरक्षित ठिकाणी स्थलांतर करण्यात येत आहे, अशी माहिती करवीर तहसीलदार स्वप्निल रावडे यांनी दिली.