Kolhapur Ganesh Darshan : कोल्हापुरात डाॅल्बीच्या दणदणाटात कानठळ्या बसवत गणरायांचे आगमन

कान गच्च करत डाॅल्बीच्या दणदणाटात आणि आकर्षक विद्युत रोषणाईत राजारामपुरीतील गणेश आगमन मिरवणूक पार पडली.

मिरवणुकीसाठी पोलिसांनी एकच मार्ग केल्याने शिस्त लागली; पण उत्साही कार्यकर्त्यांमुळे ती रेंगाळली.

गणेश आगमन मिरवणुकीत 43 मंडळांनी सहभाग घेतला होता.

यामध्ये महिलांचा सुद्धा सहभागही लक्षणीय होता.

रात्री 12 वाजता पोलिसांनी मिरवणुकीतील साऊंड सिस्टीम नियमाप्रमाणे बंद केल्या.

गणेश आगमनाची राजारामपुरीतील मिरवणूक काही वर्षांपासून आकर्षणाचे केंद्र ठरत आहे.

राजारामपुरीसह त्या परिसरातील उपनगरांतील मंडळे त्यात सहभागी होतात.

यंदाही ही मिरवणूक उत्साहात पार पडली.

सायंकाळी ५ वाजता महापालिकेच्या ९ नंबर शाळेपासून मिरवणुकीला प्रारंभ झाला.

डिजिटल स्क्रिनवर दिसणारी आकर्षक रोषणाई सर्वांचे लक्ष वेधून घेत होती.