Kolhapur Accident : कोल्हापुरात दोन गाड्यांची मागून डंपरला धडक, विचित्र अपघातात गाड्यांचा चक्काचूर

कोल्हापुरातील सांगली फाट्याजवळ विचित्र अपघात झाला असून त्यामध्ये दोन गाड्यांचा चक्काचूर झाला.

पुणे -बेंगळुरू मार्गावर हा अपघात झाला असून या अपघातात दोन गाड्यांचा चक्काचूर झालाय.

पुण्याच्याकडून बेंगलोरच्या दिशेला जाणाऱ्या डंपरला पाठीमागून येणाऱ्या दोन गाड्यानी जोरदार धडक दिली.

एका गाडीने मागून डंपरला जोरदार धडक दिली. त्यामध्ये गाडीचे बोनेट थेट डंपरच्या मागच्या बाजूने आत घुसले.

तर त्या मागच्या गाडीने पुढच्या गाडीला जोरदार धडक दिली. त्यामध्ये मागच्या गाडीचे जबर नुकसान झालं.

यामध्ये त्या दोन गाड्यांचा चक्काचूर झाला असून सुदैवाने यामध्ये कोणीही गंभीर जखमी झालेलं नाही.

एक महिलेला किरकोळ दुखापत झाली असून तिच्यावर शासकीय रुग्णालयात उपचार सुरू आहेत.