Bhaskhar Jadhav : आमदार भास्कर जाधवांनी चालवली रिक्षा; 'होऊ दे चर्चा' कार्यक्रमानंतर हाती रिक्षाचं स्टेअरिंग

शिवसेना ठाकरे गटाचे नेते भास्कर जाधव आज कोल्हापूर दौऱ्यावर होते.

होऊ दे चर्चा कार्यक्रमानंतर भास्कर जाधव यांनी रिक्षा चालवली.

यावेळी रिक्षात ठाकरे गटाचे शहर प्रमुख रविकिरण इंगवले यांच्यासह कार्यकर्ते होते.

दरम्यान, भाजपचे फक्त एकच लक्ष आहे, दुसऱ्याचे पक्ष फोडणे आणि आपले सरकार टिकवणे हेच असल्याची टीका भास्कर जाधव यांनी केली.

प्रत्येक समाजाला दुखावण्याचं कामं, नाराज करण्याचं कामं देवेंद्र फडणवीस यांनी स्वतःच्या स्वार्थासाठी केल्याचा आरोपही त्यांनी केला.

2024 ला देशात आणि राज्यात भाजपचे सरकार येणार नाही, असा दावाही त्यांनी केला.

ते मेले काय आणि गेलं काय आम्हाला फरक नाही पडला पाहिजे, त्यांचा आणखी छळ व्हावा त्यात मला आनंद होईल, अशा शब्दात त्यांनी शिंदे गटावर भाष्य केले.

बच्चू कडू हे शिंदे आणि भाजपचे मित्र आहेत, त्यांना आमचा सल्ला उपयोगी पडणार नाही, मी त्यांना सल्ला देणार नाही, असेही जाधव यावेळी म्हणाले.