Kolhapur News: मुरगुडला राष्ट्रवादीच्या उमेदवाराच्या दारात दोन पत्रावळीत लिंबू, नारळ, हळद टाकत भानामती!

Kolhapur News: दोन दिवसापूर्वी मोर्चे आणि अन्य उमेदवारांच्या प्रचारार्थ मंत्री हसन मुश्रीफ आणि समरजित घाटगे यांनी मोर्चे यांच्या दारातच मोठी सभा घेतली होती.

Kolhapur News

कोल्हापूर जिल्ह्यातील मुरगूड नगरपरिषदेत प्रभाग 3 मधून राष्ट्रवादीच्या उमेदवार अमृता गौरव मोर्चे निवडणुकीच्या रिंगणात आहेत.

त्यांचे निवासस्थान मुरगूडच्या मुख्य बाजार पेठेत आहे.

दोन दिवसापूर्वी मोर्चे आणि अन्य उमेदवारांच्या प्रचारार्थ मंत्री हसन मुश्रीफ आणि समरजित घाटगे यांनी मोर्चे यांच्या दारातच मोठी सभा घेतली होती.

याच ठिकाणी पहाटे भानामती, करणीचा प्रकार घडला.

मोर्चे यांच्या घराच्या दारात दोन्ही बाजूला हा प्रकार आढळून आला.

Continues below advertisement

पत्रावळीमध्ये नारळ, पाच ते सहा लिंबू ठेवून त्याच्यावर वेगवेगळे अंगारे, हळद कुंकू, फुले टाकली होती.

लिंबुना टाचण्या सुद्धा मारल्या होत्या.

यानंतर विकास मोर्चे यांनी या गोष्टीचा निषेध केल असून संबंधितांवर कडक कारवाई करण्याची मागणी केली आहे.

या प्रकरणी परिसरातील सीसीटीव्ही फुटेज तपासण्याचे काम सुरु आहे.

कोल्हापूरमध्ये गेल्या काही दिवसांपासून बुवाबाजी मोठ्या प्रमाणात वाढली आहे.