Kolhapur News: किल्ले भुदरगडावर आता पॅरामोटरिंग, पॅराग्लायडिंग, झोरबिंग बॉल, वॉटर बोटींग, कायाकिंगचा आनंद घेता येणार

Kolhapur News: भुदरगड तालुक्यात सुरु झालेल्या साहसी खेळामुळे पर्यटनाला मोठी चालना मिळणार आहे.

Adventure sports can be enjoyed at Bhudargad Fort

कोल्हापूर जिल्ह्यातील किल्ले भुदरगडावर पॅरामोटरिंग, पॅराग्लायडिंग, झोरबिंग बॉल, वॉटर बोटींग, कायाकिंग, टेलिस्कोप, फ्लोटिंग जेटी या साहसी खेळाचा आनंद घेता येणार आहे.

कोल्हापूर जिल्ह्याचे पालकमंत्री प्रकाश आबिटकर यांच्या शुभहस्ते व प्रमुख मान्यवरांच्या उपस्थितीत साहसी खेळाचे उद्घाटन मोठ्या उत्साहात करण्यात आले.

लहान मुलांसाठी बालोद्यान तसेच गडावरील तलावात पर्यटनासाठी बोटिंगची सुविधा उपलब्ध करण्यात आली आहे.

भुदरगड तालुक्याचे वैभव असलेल्या ऐतिहासिक किल्ले भुदरगडचा पर्यटनदृष्ट्या विकास करण्यात येत आहे.

नव्याने सुरू करण्यात येणाऱ्या पॅराग्लायडिंग पर्यटकांना मोठी पर्वणी ठरणार आहे.

Continues below advertisement

विविध सोयीसुविधांमुळे भुदरगड किल्ला पर्यटकांसाठी आता प्रमुख आकर्षण ठरणार आहे.

भुदरगड तालुका निसर्गसंपन्न तालुका असल्याने पर्यटनाला मोठा वाव आहे.

वर्षा ऋतुमध्ये तालुक्यात अनेक धबधबे प्रवाहित होतात.

त्यामुळे वर्षा पर्यटनाचा आनंद घेण्यासाठी पर्यटकांची मोठी गर्दी होत असते.

आता यामध्ये साहसी पर्यटनाची सुद्धा भर पडल्याने पर्यटकांसाठी मोठी पर्वणी असणार आहे.