Jalgaon : जळगावमध्ये पालिकेचा वृद्ध दाम्पत्याचा घरावर हातोडा, फरफटत घरातून बाहेर काढलं
जळगाव पालिका विभागाने अत्यंत निंदनीय काम केलंय. मरणास टेकलेल्या आजी-आजोबांना घरातून बाहेर काढून त्यांच्या घरावर हातोडा टाकल्याचा प्रकार पालिका विधी विभागातील अधिकाऱ्याने केलाय.
Jalgaon Municipal Officer action
1/8
वयोवृद्ध दाम्पत्याला घराबाहेर काढत जळगाव महापालिकेच्या अतिक्रमण विभागाने त्यांच्या घरावर हातोडा चालवल्याने, संताप व्यक्त केला जात आहे.
2/8
जळगाव शहरातील जिल्हा कारागृहाच्या मागील गणेश नगर येथे राहणाऱ्या 80 वर्षीय वयोवृध्द दाम्पत्याला दंडूकेशाहीचा अवलंब करत महापालिकेच्या अतिक्रमण विभागाने राहत्या घरातून ओढून काढत घर मोडल्याचा गंभीर प्रकार घडला.
3/8
गेल्या 52 वर्षांपासून पीडित दाम्पत्य या ठिकाणी वास्तव्यास होते.
4/8
त्यांच्या बाजूलाच महापालिकेच्या विधी विभागातील अधिकारी मनोज शर्मा यांच्या घराशेजारीच त्यांचे झोपडे असल्याने त्यांच्याच सांगण्यावरुन हा सर्व उपद्व्याप घडवून आणल्याची तक्रार पिडीत सुतार दाम्पत्यातर्फे करण्यात आली आहे.
5/8
महापालिकेच्या अधिकारी मनोज शर्मा यांनीच महापालिकेच्या अतिक्रमण विभागाचे पथक बोलावून घेतले.
6/8
त्यानंतर या दाम्पत्याला राहत्या घरातून हात धरुन मनपा कर्मचाऱ्यांनी फरफटत बाहेर ओढून काढले.
7/8
आधीच मोडकळीस आलेले घर अतिक्रमण विभागाने मोडून मरणाला टेकेलेल्या वयोवृद्ध दाम्पत्यास बेघर केलं आहे.
8/8
या आजी-आजोबांच्या डोक्यावरील छत्रच हरवल्याने संताप व्यक्त केला जात आहे.
Published at : 30 Jan 2025 08:27 AM (IST)