सलग दोन पराभव, 2024 च्या लोकसभा निवडणुकीत काँग्रेस सरकार स्थापन करु शकेल?
विरोधकांच्या इंडिया या आघाडीच्या स्थापनेनंतर आणि राहुल गांधी यांना लोकसभेचं सदस्यत्व बहाल करण्यापूर्वी इंडिया टीव्ही-सीएनएक्सने हे सर्वेक्षण केलं, ज्याचे अंदाज धक्कादायक आहेत.
Rahul Gandhi Mallikarjun Kharge
1/9
लोकसभा निवडणूक 2024 च्या पार्श्वभूमीवर जनमत चाचणी करण्यात आली. या सर्वेक्षणात काँग्रेसचा पुन्हा एकदा पराभव होण्याची शक्यता वर्तवली आहे मात्र पक्षाच्या जागांमध्ये वाढ होण्याचा अंदाज आहे.
2/9
विरोधकांच्या इंडिया या आघाडीच्या स्थापनेनंतर आणि राहुल गांधी यांना लोकसभेचं सदस्यत्व बहाल करण्यापूर्वी इंडिया टीव्ही-सीएनएक्सने हे सर्वेक्षण केलं, ज्याचे अंदाज धक्कादायक आहेत.
3/9
सर्वेक्षणाच्या आकडेवारीनुसार, गेल्या दोन लोकसभा निवडणुकीच्या तुलनेत 2024 च्या निवडणुकीत काँग्रेसच्या जागा वाढण्याचा अंदाज आहे. तर भाजपच्या नेतृत्वाखालील एनडीए तिसऱ्यांदा बहुमतासह सरकार स्थापन करण्याची शक्यता आहे.
4/9
सर्वेक्षणानुसार NDA ला लोकसभेच्या 543 पैकी 318 जागा मिळण्याचा अंदाज आहे. तर काँग्रेससह विरोधी पक्षांच्या INDIA आघाडीला 175 जागा मिळू शकतात. याशिवाय इतरांना 50 जागा मिळण्याची शक्यता आहे.
5/9
मतांच्या टक्केवारीच्या बाबतीत, INDIA आघाडीला 25 टक्के मते मिळण्याचा अंदाज आहे. इतरांना 33 टक्के मते मिळू शकतात. तर एकट्या भाजपला 45 टक्के मते मिळण्याचा अंदाज आहे.
6/9
देशातील सर्वात जुना पक्ष असलेल्या काँग्रेसला स्वबळावर 66 जागा मिळू शकतात तर भाजपला 290 जागा मिळण्याचा अंदाज सर्वेक्षणाच वर्तवला आहे. 2019 च्या निवडणुकीच्या तुलनेत काँग्रेसच्या जागा वाढण्याची शक्यता आहे.
7/9
2019 च्या लोकसभा निवडणुकीत काँग्रेसला 52 जागा मिळाल्या होत्या, तर 2014 मध्ये पक्षाला केवळ 44 जागा मिळाल्या होत्या. सर्वेक्षणानुसार 2024 मध्ये काँग्रेसच्या 14 जागा वाढण्याची शक्यता आहे.
8/9
काँग्रेसची यूपीए आघाडी आणि सध्याच्या आघाडीची आकडेवारी एकत्र केली तर 2019 मध्ये 91 जागा मिळाल्या होत्या. त्यानुसार INDIA आघाडीला 2024 मध्ये 175 जागा मिळाल्या तर 84 जागांचा फायदा होऊ शकतो.
9/9
दरम्यान राहुल गांधी यांना 7 ऑगस्ट रोजी लोकसभेचं सदस्यत्व बहाल करण्यात आलं आहे. त्यामुळे सदस्यत्व बहाल केल्याने आकडेवारीत फरक दिसू शकतो.
Published at : 08 Aug 2023 01:16 PM (IST)