Shiv Jayanti : जय भवानी, जय शिवाजी! आग्र्यातील ऐतिहासिक शिवजयंतीची तयारी अंतिम टप्प्यात, पाहा फोटो

आग्रा किल्ल्यातील दिवाण-ए-आममध्ये शिवजयंती साजरी करण्यासाठी संपूर्ण तयारी झाली आहे.

'अजिंक्य देवगिरी प्रतिष्ठान'च्या वतीने यावर्षी पहिल्यांदाच आग्रा किल्यातील दिवाण-ए-आममध्ये शिवजयंती साजरी केली जात आहे.

यासाठी संपूर्ण तयारी करण्यात आल्याची माहिती विनोद पाटील यांनी दिली आहे.

आग्रा किल्यातील दिवाण-ए-आममधील तोफेजवळ हा कार्यक्रम होणार आहे.

कार्यक्रमास्थळी येणाऱ्या पाहुण्यांना बसण्यासाठी खुर्च्या लावण्यात आल्या आहेत.

तसेच मुख्य स्टेज देखील उभारण्यात येत असून, त्याचे काम अंतिम टप्प्यात आहे. यासोबतच साउंड सिस्टीम लावण्याचे काम देखील अंतिम टप्प्यात आहे.

विशेष म्हणजे आग्रा किल्ल्याच्या समोर असलेला छत्रपती शिवाजी महाराजांचा पुतळा परिसरात सजावट करण्यात आली आहे.

या ऐतिहासिक सोहळ्याचे साक्षीदार होण्यासाठी हजारो शिवप्रेमी आग्र्यात दाखल झाले आहेत.

तसेच आग्रा जिल्हा प्रशासन आणि पोलिसांनी देखील या संपूर्ण कार्यक्रमाचा आढावा घेतला आहे.