Nisar Satellite : नैसर्गिक आपत्तींची आगाऊ माहिती देणार 'निसार' सॅटलाईट, 2024 मध्ये होणार लाँच; नासाकडून भारतात पोहोचला उपग्रह

अमेरिकन हवाई दलाच्या विमानाने हे निसार उपग्रह भारतात आणण्यात आला आहे. यूएस एअर फोर्सचं C-17 विमान बुधवारी (8 मार्च) बेंगळुरूमध्ये उतरलं.

या विमानातून NASA-ISRO सिंथेटिक अपर्चर रडार (NISAR) भारतीय अवकाश संशोधन संस्था (Indian Space Research Organisation) म्हणजेच, इस्त्रो (ISRO) कडे सुपूर्द करण्यात आलं आहे.

भारत-अमेरिका या दोन देशांच्या संबंधांमध्ये हा मैलाचा दगड मानला जात आहे. हे नासा आणि भारतीय अंतराळ संशोधन संस्था संयुक्तपणे हा उपग्रह तयार करत आहे.

नासाने (NASA) 'निसार उपग्रहाचं' (Nisar Satellite) पहिल्या टप्प्यातील काम पूर्ण केलं असून हा उपग्रह पुढील काम आणि लाँचिगसाठी इस्त्रोकडे पाठवण्यात आला आहे.

आता इस्त्रो यावर काम करेल, त्यानंतर 2024 मध्ये या उपग्रहाचं प्रक्षेपण पार पडणार आहे. अमेरिकन वाणिज्य दूतावासाचे अधिकारी (US Consulate General) यांनी याबाबत ट्वीट करत माहिती दिली आहे.

भारतीय अवकाश संशोधन संस्था (Indian Space Research Organisation) म्हणजेच, इस्त्रो (ISRO) आणि अमेरिकन अंतराळ संशोधन संस्था नासा (NASA) यांच्याकडून संयुक्त अभियान राबवण्यात येत आहे.

या अंतर्गत निसार उपग्रह तयार करण्यात येत आहे. 2024 मध्ये हे सॅटेलाईट लाँच करण्यात येईल. नासाने 'निसार' हा सॅटलाईट इस्रोकडे सुपूर्द केला आहे.

या उपग्रहामुळे आता जगाला नैसर्गिक आपत्तींची आगाऊ माहिती मिळणार आहे. कृषी क्षेत्रातही हा उपग्रह महत्त्वाची भूमिका बजावणार आहे.

निसार उपग्रह (NISAR Satellite) हा उपग्रह पृथ्वीच्या पृष्ठभागाचे संपूर्ण विश्लेषण करून माहिती गोळा करेल.

या उपग्रहाचा उपयोग नैसर्गिक आपत्ती, भूस्खलन प्रवण क्षेत्रं शोधणे तसेच कृषी क्षेत्रासह विविध कारणांसाठी केला जाईल.

सर्वकाही सुरळीत पार पडलं तर, निसार उपग्रह 2024 मध्ये आंध्र प्रदेशातील सतीश धवन अंतराळ केंद्रातून लाँच करण्यात येईल.

निसार उपग्रह किमान तीन वर्षे काम करेल. निसार उपग्रह 12 दिवसांत संपूर्ण जगाचा नकाशा तयार करणार आहे.

निसार उपग्रहामुळे आता जगाला नैसर्गिक आपत्तींची आगाऊ माहिती मिळणार आहे. कृषी क्षेत्रातही हा उपग्रह महत्त्वाची भूमिका बजावणार आहे.