NISAR Satellite : पृथ्वीच्या वातावरणाचा सखोल अभ्यास करणार निसार सॅटेलाईट, ISRO आणि NASA चं संयुक्त अभियान
भारतीय अवकाश संशोधन संस्था (ISRO - Indian Space Research Organisation) आणि अमेरिकन अंतराळ संशोधन संस्था नासा (NASA) यांच्याकडून संयुक्त अभियान राबवण्यात येणार आहे.
Download ABP Live App and Watch All Latest Videos
View In Appनिसार सॅटेलाईट (NISAR Satellite) इस्त्रो आणि नासा यांच्याकडून तयार करण्यात येत आहे. 2024 मध्ये याचे प्रक्षेपण करण्यात येण्याची शक्यता आहे.
निसार सॅटेलाईटची तयारी अंतिम टप्प्यात पोहोचली आहे. सध्या नासाकडून हे सॅटेलाईट तयार करण्यात येत आहे. त्यानंतर पुढील कामासाठी हे सॅटेलाईट भारतात दाखल होईल.
नासाकडून सॅटेलाईट भारतात पाठवण्याची तयारी सुरु झाली आहे. फ्रेबुवारी महिन्याच्या अखेरपर्यंत निसार सॅटेलाईट भारतात दाखल होणार आहे
निसार उपग्रह बनवण्याची इस्त्रो आणि नासा यांची संयुक्त मोहिम आहे. भारत आणि अमेरिकेच्या मैत्रीचं हे आणखी एक उदाहरण आहे.
निसार उपग्रह पृथ्वीवरील जमीन आणि बर्फाच्छादित प्रदेश यांबाबतची अधिक माहिती मिळवण्यात मदत करेल. हे सॅटेलाईट अधिक खोल आणि विस्तृत निरीक्षण करेल.
लवकरच निसार सॅटेलाईट कॅलिफोर्नियातून भारतात दाखल होईल. सॅटेलाईट भारतात पाठवण्याआधी त्याच्या काही चाचण्या केल्या जातील.
इस्त्रोचे अध्यक्ष एस सोमनाथ यांच्या देखरेखीखाली काही चाचण्या पार पडतील. यासाठी इस्त्रोचे अध्यक्ष 3 फेब्रुवारी रोजी कॅलिफोर्नियामध्ये दाखल झाले आहेत.
कॅलिफोर्नियामधील नासाच्या जेट प्रोपल्जन लॅबमध्ये (JPL) सॅटेलाईट भारतात रवाना करण्यापूर्वी परीक्षण करण्यात येत आहे. नासाकडून सॅटेलाईट भारतात पाठवण्याची तयारी सुरु आहे.
निसार उपग्रह पृथ्वीवरील जमीन आणि बर्फाच्छादित प्रदेशाबाबत अधिक माहिती मिळवण्यात मदत करेल.
इस्त्रो आणि नासा यांच्यात 2014 मध्ये 2,800 किलो वजनी उपग्रह बनवण्याचा करार झाला होता.
जेट प्रोपल्जन लॅबमध्ये (JPL) आयोजित एका कार्यक्रमात एस. सोमनाथ म्हणाले की, 'इस्त्रो आणि नासाची ही संयुक्त मोहीम एक वैज्ञानिक साधन म्हणून रडारच्या क्षमतेचे एक शक्तिशाली प्रात्यक्षिक असेल.
निसार उपग्रहाच्या मदतीने पृथ्वीच्या गतिमान जमीन आणि बर्फाच्या पृष्ठभागाचा पूर्वीपेक्षा अधिक तपशीलवार अभ्यास करण्यास मदत होईल, असंही सोमनाथ यांनी सांगितलं आहे.
निसार उपग्रह फेब्रुवारी महिन्याच्या शेवटच्या आठवड्यापर्यंत भारतात दाखल होईल. निसार उपग्रह 40 फूट व्यास एवढ्या आकाराचा आहे.
इस्रोचे अध्यक्ष एस सोमनाथ यांनी सांगितले की, 'निसार उपग्रह संपूर्ण जगासाठी भारत-अमेरिका सहकार्याचे अभूतपूर्व उदाहरण ठरणार आहे.'