Onion : कांदा खरेदीबाबत नाफेडने बाजारात हस्तक्षेप करावा, केंद्र सरकारचे निर्देश
केंद्र सरकारनं कांदा खरेदीबाबत बाजारात तत्काळ हस्तक्षेप करण्याचे नाफेड आणि नॅशनल कन्झ्युमर्स को-ऑपरेटिव्ह फेडरेशन ऑफ इंडिया लिमिटेडला निर्देश दिले आहेत.
Agriculture News Onion
1/10
सध्या कांदा (Onion) उत्पादक शेतकरी संकटात सापडला आहे. कारण कांद्याच्या दरात (Onion Price) मोठी घसरण होत असल्याचं चित्र दिसत आहे.
2/10
केंद्र सरकारनं कांदा खरेदीबाबत बाजारात तत्काळ हस्तक्षेप करण्याचे नाफेड आणि नॅशनल कन्झ्युमर्स को-ऑपरेटिव्ह फेडरेशन ऑफ इंडिया लिमिटेड (National Cooperative Consumers Federation) ला निर्देश दिले आहेत.
3/10
कृषी आणि शेतकरी कल्याण मंत्रालयानं दिलेल्या माहितीनुसार, नाफेडने ताबडतोब कांदा खरेदीची प्रक्रिया सुरु केली आहे.
4/10
गेल्या दहा दिवसात शेतकऱ्यांकडून 900 रुपये प्रति क्विंटल पेक्षा जास्त दराने सुमारे 4000 मेट्रीक टन कांद्याची थेट खरेदी केल्याची माहिती कृषी मंत्रालयाकडून देण्यात आली आहे.
5/10
नाफेडने 40 खरेदी केंद्रे उघडली असून, तिथे शेतकरी त्यांचा कांदा विकू शकतात. त्याचे पैसे ऑनलाइन त्यांना मिळू शकतात.
6/10
नाफेडने खरेदी केंद्रांवरुन दिल्ली, कोलकाता, गुवाहाटी, भुवनेश्वर, बंगळुरु, चेन्नई, हैदराबाद आणि कोची या ठिकाणी साठा नेण्याची व्यवस्था केली आहे.
7/10
2022-23 मध्ये कांद्याचे अंदाजे उत्पादन 318 लाख मेट्रिक टन होणार आहे. जे मागील वर्षीच्या 316.98 लाख मेट्रिक टनापेक्षा जास्त आहे.
8/10
दरातील ही घसरण इतर राज्यांतील एकूणच वाढलेल्या उत्पादनामुळं तसेच देशातील प्रमुख उत्पादक जिल्ह्यांतील म्हणजेच नाशिकमधील पुरवठ्यावरील अवलंबित्व कमी झाल्यामुळं असल्याचं तज्ज्ञांनी म्हटलं आहे.
9/10
दरात घसरण झाल्यामुळं कांदा उत्पादक शेतकरी आर्थिक संकटात.
10/10
सर्व राज्यांमध्ये कांद्याची पेरणी केली जाते. राष्ट्रीय उत्पादनात सुमारे 43 टक्के वाट्यासह महाराष्ट्र आघाडीवर आहे. तर मध्य प्रदेशचा 16 टक्के वाटा आहे.
Published at : 08 Mar 2023 08:16 AM (IST)