Weather : कुठं कडक उन्हाचा तर कुठं मुसळधार पावसाचा अंदाज

देशातील वातावरणात सातत्यानं बदल (Climate Change) होत आहे. कुठे उन्हाचा चटका जाणावत आहे, तर कुठे अवकाळी पाऊस पडत आहे.

काही भागात पडलेल्या पावसामुळं उष्णतेपासून दिलासा मिळाला होता. मात्र, आता पुन्हा एकदा देशात तापमानाचा (Temperature) पारा वाढणार असल्याचा इशारा हवामान विभागानं दिला आहे.

सध्या देशाच्या राजधानीसह अनेक भागात तापमान हे 40 अंशाच्या पुढे गेलं आहे.

हवामान विभागानं दिलेल्या माहितीनुसार, येत्या काही दिवसांत देशातील अनेक भागात तापमानात दोन ते तीन अंश सेल्सिअसची वाढ होण्याची शक्यता आहे.

बदलत्या वातावरणाचा शेती पिकांना मोठा फटका बसला आहे.

काही भागात तापमानाचा पारा 42 अंश सेल्सिअसपर्यंत जाण्याची शक्यता आहे. तर काही भागात मुसळधार पावसाचा इशाराही हवामान विभागानं दिला आहे.

हवामान विभागानं दिलेल्या माहितीनुसार संपूर्ण आठवडाभर देशातील अनेक राज्यामध्ये पावसाची शक्यता वर्तवण्यात आली आहे.

13 मे रोजी देशाच्या अनेक भागात पाऊस पडण्याची शक्यता देखील हवामान विभागानं वर्तवली आहे. मात्र त्यामुळं तापमानात घट होणार नाही.

तापमानत वाढ होणार असल्यानं नागरिकांनी योग्य ती काळजी घ्यावी असं आवाहनही हवामान विभागाकडून करण्यात आलं आहे.

बदलत्या वातावरणाचा शेती पिकांवर मोठा परिणाम होत आहे. हाती आलेली पिकं वाया जात आहेत.