Devendra Fadnavis Pune Mumbai Missing Link: पुणे-मुंबई मिसिंग लिंकचा सुस्साट रोड, इन्फ्रामॅन देवेंद्र फडणवीसांनी मर्सिडीजचं स्टेअरिंग हातात घेतलं अन्...

Devendra Fadnavis Pune Mumbai Missing Link: आता हा प्रकल्प मिसिंग लिंक नसून, कनेक्टिंग लिंक आहे, असंही यावेळी फडणवीस म्हणाले.

Devendra Fadnavis Pune Mumbai Missing Link

मुंबई आणि पुणे या दोन शहरांमधील अंतर कमी करणाऱ्या आणि प्रवासाचा वेग वाढवणाऱ्या बहुप्रतिक्षीत 'मिसिंग लिंक' प्रकल्पाचे काल दिमाखात लोकार्पण झाले.

मुख्यमंत्री देवेंद्र फडणवीस आणि दोन्ही उपमुख्यमंत्र्यांच्या उपस्थितीत हा सोहळा पार पडला. यावेळी या नवीन मार्गावर मुख्यमंत्र्यांनी स्वतः गाडी चालवत प्रवासाचा आनंद लुटला.

मुंबई-पुणे एक्सप्रेसवेच्या मिसिंग लिंकच्या उद्घाटन प्रसंगी देवेंद्र फडणवीस जगातील सर्वात वेगवान एसयूव्ही (SUV) पैकी एक असलेल्या मर्सिडीज-एएमजी जी६३ (Mercedes-AMG G63) चालवताना दिसले.

कमालीची मोठी सोय आणि जबरदस्त कामगिरी यांचा मेळ घालणारी ही 'जी६३' गाडी, वेग, स्थिरता आणि सुरक्षिततेसाठी बांधलेल्या या महामार्गावर अधिकच रुबाबात चालताना दिसली.

या कारबद्दलची दुसरी सर्वात रोमांचक गोष्ट म्हणजे, या कारची नोंदणी २९ एप्रिल २०२६ रोजी झाली आहे. म्हणजेच, लोकार्पण सोहळ्याच्या दिवशी ही कार अवघ्या २ दिवस जुनी होती.

आता हा प्रकल्प मिसिंग लिंक नसून, कनेक्टिंग लिंक आहे, असंही यावेळी फडणवीस म्हणाले.

या प्रकल्पाच्या उद्घाटनानंतर एक खास दृश्य पाहायला मिळाले. मुख्यमंत्री आणि दोन्ही उपमुख्यमंत्री एकाच गाडीत स्वार झाले होते.

विशेष म्हणजे, या नव्याकोऱ्या 'मिसिंग लिंक'वर मुख्यमंत्र्यांनी स्वतः गाडीचे सारथ्य करत हा मार्ग प्रवासासाठी खुला केला.

या प्रवासादरम्यान त्यांनी प्रकल्पाच्या कामाची आणि बोगद्यांमधील अद्ययावत यंत्रणेची पाहणीही केली.

लोकार्पणाआधीच या प्रकल्पातील बोगद्याने वर्ल्ड रेकॉर्ड केला आहे.

तब्बल 23.5 मीटर रुंदीच्या या बोगद्याला जगातील सर्वाधिक रुंदीच्या बोगद्याचा मान मिळाला आहे.

गिनीज बुक ऑफ वर्ल्ड रेकॉर्डमध्ये या बोगद्याची नोंद झाली आहे. या सोहळ्यात याचं प्रमाणपत्रही देण्यात आलं.

मुंबई-पुणे एक्सप्रेस वेवरील खोपोली एक्झिट ते कुसगाव या भागात मिसिंग लिंक प्रकल्प उभारण्यात आला आहे.

मुंबई-पुणे ‘मिसिंग लिंक’ या प्रकल्पामुळे घाटातील वाहतूक कोंडी मोठ्या प्रमाणावर कमी होऊन प्रवास अधिक वेगवान आणि सुरक्षित होणार आहे.

मुंबई-पुणे ‘मिसिंग लिंक’ प्रकल्पामुळे नागरिकांची घाटातील वाहतूक कोंडीतून मुक्तता होऊन जलद दळणवळणामुळे अर्थव्यवस्थेलाही चालना मिळणार आहे. (Mumbai Pune Missing Link Raod)