Chhaava : छावा चित्रपट पाहिला अन् त्या किल्ल्यावर सोनं शोधण्यासाठी बायका पोरांसह अवघं गाव फुटलं!

Chhaava : असीरगड गावात अफवा पसरल्यानंतर दूरदूरवरून लोक खणण्यासाठी आले. व्हिडिओमध्ये शेकडो लोक रात्रीच्या अंधारात टॉर्चच्या प्रकाशात खोदताना दिसत आहेत.

Chhaava

मध्य प्रदेशातील बुरहानपूर जिल्हा सध्या चर्चेत आहे. छावा चित्रपट पाहिल्यानंतरची ही घटना आहे.

बुरहानपूरच्या असीरगड गावात शेतात मुघलकालीन सोन्याची नाणी सापडल्याची अफवा पसरली आहे.

या अफवेनंतर शेकडो महिला, लहान मुले, पुरुष, वयोवृद्ध लोक रात्रीच्या वेळी शेतात आधुनिक उपकरणांसह खोदण्यासाठी पोहोचले.

याचा एक व्हिडिओही सोशल मीडियावर व्हायरल होत आहे. यापूर्वीही या परिसरात अशा अफवा पसरल्या आहेत.

मात्र, प्रशासनाच्या कठोरतेनंतर येथील उत्खनन बंद करण्यात आले. आता चित्रपट पाहिल्यानंतर पुन्हा एकदा लोक शेताकडे वळू लागल्याने प्रशासन सतर्क झाले आहे.

असीरगडमध्ये ऐतिहासिक खजिना दडला असल्याची स्थानिक लोकांची धारणा आहे.

सोशल मीडियावर व्हायरल होत असलेल्या व्हिडीओनुसार, लोक दूरदूरवरून खोदण्यासाठी येत आहेत.

काही महिला मजुरांना येथे रस्ता बांधकाम करताना सोन्याची नाणी सापडली होती. यानंतर प्रशासनाने खोदकामावर बंदी घातली होती.

पुरातत्व तज्ज्ञांच्या मते, असीरगड हा ऐतिहासिकदृष्ट्या महत्त्वाचा परिसर आहे. येथे जुनी नाणी सापडण्याची शक्यता आहे. मात्र याठिकाणी सोन्याचा साठा असल्याची पुष्टी तपासानंतरच होऊ शकते.

असीरगड गावात अफवा पसरल्यानंतर दूरदूरवरून लोक खणण्यासाठी आले. व्हिडिओमध्ये शेकडो लोक रात्रीच्या अंधारात टॉर्चच्या प्रकाशात खोदताना दिसत आहेत.

एका प्रत्यक्षदर्शीने सांगितले की, छावा चित्रपटात बुरहानपूरच्या असीरगढचे नाव आल्यानंतर दूरदूरवरून लोक सोन्याची नाणी शोधण्यासाठी येत आहेत.

येथे काही नाणी आधीच सापडली आहेत, काही लोकांना पितळेची नाणी सापडली आहेत ज्यावर उर्दू आणि अरबीमध्ये काहीतरी लिहिलेले आहे. जे मुघल काळातील दिसते.