Turmeric : हिंगोलीत बाजार समितीत हळदीची आवक वाढली

मराठवाड्यासह विदर्भातील हळद हिंगोलीत बाजार समितीत दाखल झाली आहे. 16 हजार कट्ट्यांची आवक हिंगोली समितीत दाखल झाली आहे.

Agriculture News Turmeric

हिंगोली (Hingoli) जिल्ह्यातील संत नामदेव मार्केट यार्डमध्ये हळदीची आवक मोठ्या प्रमाणात वाढली आहे.

हिंगोलीच्या कृषी उत्पन्न बाजार समितीमध्ये 16 हजार हळदीच्या कट्ट्यांची आवक झाली आहे.

दरवर्षी राज्यभरातून मोठ्या प्रमाणात शेतकरी (Farmers) हळदीची विक्री करण्यासाठी हिंगोलीच्या कृषी उत्पन्न बाजार समितीत येत असतात.

यावर्षी देखील बाजार समितीत मोठ्या प्रमाणात हळदीची आवक वाढली आहे. मराठवाड्यासह विदर्भातील अमरावती, यवतमाळ ,अकोला, वाशिम, जळगाव या भागातील हळद मोठ्या प्रमाणामध्ये विक्रीसाठी दाखल झाली आहे.

पुढील पाच दिवस हळद विक्री बंद राहणार आहे. बाजार समितीच्या निवडणूक प्रक्रियेमुळं हळद विक्री बंद राहणार असल्यानं शेतकऱ्यांनी मोठ्या प्रमाणात हळदीसाठी गर्दी केली होती.

हिंगोली येथील हळदीचे मार्केट जिल्हाभरासह विदर्भात देखील प्रसिद्ध आहे. हिंगोली जिल्ह्यालगत वाशीम जिल्हा असल्यानं या जिल्ह्यातील हळद उत्पादक शेतकरी हळद विक्रीसाठी घेऊन येतात

image 7

राज्यात सांगलीनंतर (sangli) सर्वात जास्त हळदीची विक्री (Sale of turmeric) ही हिंगोली (Hingoli) जिल्ह्यातील संत नामदेव मार्केट यार्डमध्ये केली जाते.

मे अखेरपर्यंत पूर्ण क्षमतेनं हळदीचा हंगाम सुरु राहणार असल्याची माहिती व्यापारी वर्गानं दिली आहे.