आई राजा उदो उदो... तुळजाभवानी मंदिरातही भाविकांना मिळणार लाडू, कधीपासून सुरुवात, मुहूर्त ठरला

लाडू प्रसाद वाटपासाठीची तारीख निश्‍चित करण्यात आली. यासाठी आवश्यक नियोजन आणि तयारी सुरूय

Tuljabhavani Temple

हाराष्ट्राची कुलस्वामिनी तुळजाभवानी देवीच्या भक्तांसाठी एक आनंदाची बातमी समोर आली आहे.

'आई राजा उदो उदो...'च्या गजरात दररोज देवीचं दर्शन घेणाऱ्या हजारो भाविकांसाठी आता पुन्हा एकदा लाडू प्रसाद मिळणार आहे.

गेल्या अनेक दिवसांपासून प्रतीक्षेत असलेल्या लाडू प्रसाद वाटपाचा मुहूर्त अखेर ठरला आहे.

२५ जुलैपासून तुळजाभवानी मंदिरात लाडू प्रसाद वाटप सुरू होणार आहे. सकाळी साडेसात वाजता जिल्हाधिकारी कीर्ती किरण पुजार यांच्या हस्ते या उपक्रमाचा शुभारंभ होणार असून, मंदिर परिसरातच भाविकांना लाडू प्रसाद देण्यात येईल.

तुळजाभवानी मंदिर संस्थानच्या सभागृहात नुकत्याच पार पडलेल्या बैठकीत या लाडू प्रसाद वाटपासाठीची तारीख निश्‍चित करण्यात आली.

यासाठी आवश्यक नियोजन आणि तयारी सुरू असून, मंदिर प्रशासनाने भाविकांच्या सोयीसाठी विशेष व्यवस्था आखली आहे.

या निर्णयामुळे तुळजाभवानीच्या भक्तांमध्ये उत्साहाचं वातावरण आहे. देवीचं दर्शन घेतल्यानंतर तिचा लाडू प्रसाद मिळणं, हे भक्तांसाठी एक खास आध्यात्मिक समाधान असतं.

तुळजापूरात दररोज मोठ्या संख्येने भाविक दर्शनासाठी येतात, त्यामुळे लाडू प्रसाद वाटपाची ही सुरुवात हाेणं आनंदाचं ठरलंय