Photo: 'मविआ'च्या सभेला काही तासांचा कालावधी, पाहा सभेची तयारी ड्रोनच्या माध्यमातून

Chhatrapati Sambhaji Nagar : छत्रपती संभाजीनगर शहरात आज महाविकास आघाडीच्या पक्षाची एकत्रित सभा होत आहे. तर या सभेची जोरदार तयारी करण्यात आली आहे. (ड्रोन सौजन्य गौरव जेजुरकर)

Photo: 'मविआ'च्या सभेला काही तासांचा कालावधी, पाहा सभेची तयारी ड्रोनच्या माध्यमातून

महाविकास आघाडीतील शिवसेना, राष्ट्रवादी आणि काँग्रेस पक्षाची आज एकत्रित सभा छत्रपती संभाजीनगर शहरात पार पडत आहे.

महाविकास आघाडीच्या सभेची संपूर्ण तयारी जवळपास झाली असून, कार्यकर्ते सभास्थळी यायला सुरवात झाली आहे.

शहरातील खडकेश्वर परिसरातील मराठवाडा सांस्कृतिक मंडळाच्या मैदानात ही महाविकास आघाडीची सभा होणार आहे.

सभेच्या ठिकाणी भलामोठा स्टेज उभारण्यात आला असून, यावर तीनही पक्षाचे फोटो असलेले होर्डिंग पाहायला मिळत आहे.

सभा असलेल्या मैदानात 30 हजार पेक्षा अधिक खुर्च्या लावण्यात आल्या असून, सभेची तयारी अंतिम टप्प्यात आली आहे.

सभेच्या ठिकाणी आणि परिसरात महाविकास आघाडीतील शिवसेना, राष्ट्रवादी आणि काँग्रेस पक्षाची एकत्रित लावलेले झेंडे लावण्यात आल्याचे देखील पाहायला मिळत आहे.

विशेष म्हणजे ज्या मराठवाडा सांस्कृतिक मंडळाच्या मैदानात महाविकास आघाडीची सभा होणार आहे, त्या मैदानात यापूर्वी शिवसेनाप्रमुख बाळासाहेब ठाकरे यांच्या सभा गाजलेल्या आहेत.

मराठवाडा सांस्कृतिक मंडळाच्या मैदानात बाळासाहेब ठाकरे यांच्याप्रमाणे राज ठाकरे आणि उद्धव ठाकरे यांच्या देखील सभा गाजल्या होत्या.