Photo: नामांतराच्या समर्थनात छ. संभाजीनगरमध्ये भव्य मोर्चा, पाहा ड्रोन फोटो

औरंगाबाद जिल्ह्याचे नाव बदलून छत्रपती संभाजीनगर करण्याच्या निर्णयाचा स्वागत करत, सरकारच्या या निर्णयाच्या समर्थनात आज शहरात भव्य असा मोर्चा काढण्यात आला.

सकल हिंदू समाजाच्या वतीने 'हिंदू जनगर्जना मोर्चा' काढण्यात आला होता. तर इतर अनेक पक्ष आणि संघटनांनी देखील या मोर्च्याला पाठींबा देत सहभाग नोंदवला आहे.

शहरातील क्रांती चौकातून साडेअकरा वाजेच्या सुमारास या मोर्च्याला सुरवात झाली होती.

पुढे जालना रोडवरून निराला बाजार मार्गे हा मोर्चा औरंगपुऱ्यातील फुले चौकात जाऊन पोहचला होता.

यावेळी फुले चौकात मोठा स्टेज उभारण्यात आला आणि यावरून अनेक नेत्यांची भाषणे देखील झाली.

सोबतच शहरातील वेगवेगळ्या पक्षातील राजकीय पदाधिकारी आणि कार्यकर्ते देखील या मोर्च्यात सहभागी झाल्याचे पाहायला मिळाले.

यावेळी मोर्चेकरांच्या हातात असलेल्या भगव्या झेंड्यामुळे निराला बाजार परिसर आणि औरंगपुरा चौक भगवेमय झाले होते.

मोर्चास्थळी बसण्यासाठी जागा नसल्याने औरंगपुरा परिसरात असलेल्या एका पाच मजली बिल्डींगवर बसून तरुणांनी सभा ऐकली.

विशेष म्हणजे या मोर्च्याच्या पार्श्वभूमीवर कायदा सुव्यवस्था कायम राहावी म्हणून, पोलीस आयुक्त निखील गुप्ता स्वताः मोर्च्यास्थळी उपस्थित होते.