Leopard In Chhatrapati Sambhajinagar: शेतपंप चालू करण्यासाठी जाताच हालचाल; बारकाईने बघताच विहिरीत बिबट्या दिसला, वैजापूरमधील घटना, पुढे काय घडलं?, PHOTO

Leopard In Chhatrapati Sambhajinagar: छत्रपती संभाजीनगरच्या वैजापूर तालुक्यातून एक घटना समोर आली आहे. दाणे वस्तीवरील एका शेतातील विहिरीत बिबट्या पडला होता.

Leopard In Chhatrapati Sambhajinagar

Leopard In Chhatrapati Sambhajinagar छत्रपती संभाजीनगर : छत्रपती संभाजीनगरच्या वैजापूर तालुक्यातून एक घटना समोर आली आहे. दाणे वस्तीवरील एका शेतातील विहिरीत बिबट्या पडला होता.

दाणे वस्तीवरील शेतकरी गणेश मलिक हे नेहमीप्रमाणे शेतातील विहिरीत असलेला शेतपंप सुरू करण्यासाठी गेले असता, त्यांना विहिरीत हालचाल दिसून आली.

बारकाईने पाहिल्यानंतर विहिरीत बिबट्या पडल्याचे त्यांच्या लक्षात आले. तत्काळ त्यांनी परिसरातील शेतकरी व ग्रामस्थांना या घटनेची माहिती दिली.

काही वेळातच घटनास्थळी नागरिकांची गर्दी जमली. परिस्थितीचे गांभीर्य ओळखून ग्रामस्थांनी सावधगिरी बाळगत विहिरीत बाज सोडून बिबट्याला आधार देण्यासाठी मदत केली आणि वन विभागाला घटनेची माहिती देण्यात दिली.

सदर घटनेची माहिती मिळताच वन विभागाचे अधिकारी आणि कर्मचारी तत्काळ घटनास्थळी दाखल झाले.

Continues below advertisement

वन विभागाकडून तातडीने रेस्क्यू ऑपरेशन राबवण्यात आले आणि अखेर बिबट्याला सुरक्षितरित्या जेरबंद करण्यात वन विभागाला यश आले आहे.

या घटनेमुळे परिसरात भीतीचे वातावरण पसरले होते, मात्र बिबट्या सुखरूप जेरबंद झाल्याने ग्रामस्थांनी सुटकेचा श्वास घेतला आहे.