Hindu Jan Akrosh Morcha : औरंगाबादच्या फुलंब्रीत निघाला हिंदू जन आक्रोश मोर्चा; हजारो नागरिक उपस्थित

औरंगाबाद (Aurangabad) जिल्ह्यातील फुलंब्री तालुक्यात देखील आज हिंदू जन आक्रोश मोर्चाचे आयोजन करण्यात आले होते.

लव्ह जिहाद, गोहत्या, धर्मांतर अशा अनेक विषयांच्या विरोधात हा मोर्चा निघाला होता.

महिन्याभरापासून या मोर्चाची तयारी करण्यात येत होती. यासाठी अनेक बैठका देखील आयोजकांकडून घेण्यात आल्या. अनेक गावात यासाठी बैठका झाल्या.

दरम्यान, या मोर्चाच्या पार्श्वभूमीवर पोलिसांकडून वाहतुकीत बदल करण्यात आला होते.

बाजार समिती प्रवेश द्वारावरील शिवाजी महाराजांच्या पुतळ्याचे पूजन करून मोर्चाला प्रारंभ झाले. तर खुलताबाद रस्त्यावर जाहीर सभा आयोजित करण्यात आली होती.

दरम्यान यावेळी हजारोच्या संख्येने नागरिक हिंदू जन आक्रोश मोर्च्यात सहभागी झाले असल्याचे पाहायला मिळाले.

या मोर्चात तरुणांची संख्या अधिक असल्याचे पाहायला मिळाले. फुलंब्री तालुक्यातील वेगवेगळ्या गावातील तरुण मोर्चात सहभागी झाले होते.

विशेष म्हणजे मोर्चात महिलांची संख्या देखील लक्षणीय असल्याचे दिसून आले. तर तरुणींनी देखील या मोर्चात सहभाग नोंदवल्याचे पाहायला मिळाले.

तर मोर्चाच्या पार्श्वभूमीवर पोलिसांचा देखील तगडा बंदोबस्त तैनात करण्यात आला होता. स्थानिक पोलिसांसह इतर पोलीस ठाण्यातील अधिकारी-कर्मचारी देखील बंदोबस्तासाठी बोलवण्यात आले होते.