छत्रपती संभाजीनगरमध्ये अग्नितांडव, एकाच कुटुंबातील 7 जणांचा अंत

छत्रपती संभाजीनगरच्या (Chhatrapati Sambhajinagar) छावणी परिसरात कपड्याच्या दुकानाला भीषण आग

आगीमध्ये एकाच कुटुंबातील सात जणांचा मृत्यू झाला आहे.

कपड्याच्या दुकानाला आग नेमकी कशामुळं लागली याचं कारण अद्याप समजू शकलं नाही.

या आगीत संपूर्ण दुकान जळून खाक झालं आहे.

मृतांमध्ये तीन महिला आणि दोन मुलांचाही समावेश आहे. पहाटे 3 वाजण्याच्या सुमारास ही घटना घडली आहे.

घटनेची माहिती मिळताच पोलिसांनी अग्निशमन दलाने घटनास्थळी धाव घेतली. मात्र, तोपर्यंत सात जणांचा दुर्दैवी मृत्यू झाला होता.

मृतदेह शासकीय घाटी रुग्णालयात पाठवण्यात आले असून पोलिसांकडून पंचनामा केला जात आहे.

या घटनेत अग्निशमाक दलाचा एक जवानही जखमी झाला आहे.

आग लागलेल्या इमारतीत एकूण 16 लोक होते. पहिल्या मजल्यावर 7 लोक होते. तर दुसऱ्या मजल्यावर 7 लोक होते आणि तिसऱ्या मजल्यावर 2 लोक होते. यामध्ये दुसऱ्या मजल्यावरील सर्व सात लोकांचा मृत्यू झाला आहे.

आग लागल्याची माहिती मिळताच तातडीने अग्निशामक दलाला पाचारण करण्यात आले. त्यानंतर अथक प्रयत्नानंतर आगीवर नियंत्रण मिळवण्यात यश आलं आहे.