Chhatrapati Sambhajinagar accident: रांजणगाव फाट्यावर बिअरचा ट्रक उलटला, ट्युबर्गच्या बाटल्या गोळा करायला लोक गोण्या घेऊन पोहोचले

Chhatrapati Sambhajinagar road accident: बिअरच्या डिलिव्हरी ट्रकचा भीषण अपघात, ड्राईव्हरचा जीव वाचवायचं सोडून नागरिकांनी पळवल्या बाटल्या, संतापजनक घटना

Chhatrapati Sambhajinagar accident

छत्रपती संभाजनगरमधील वाळूज येथील रांजणगाव फाटा परिसरात शुक्रवारी बिअरची वाहतूक करणारा ट्रक उलटला.

या अपघातामुळे ट्रक आडवा पडून त्यामधील बिअरच्या बाटल्याचे खोके रस्त्यावर पडले. या बाटल्या गोळ्या करण्यासाठी स्थानिक नागरिकांना प्रचंड मोठी गर्दी केली होती.

एमआयडीसी वाळूज परिसरातील रांजणगाव फाटा येथे हा बिअरचा ट्रक पलटी झाला.

जखमी चालकाला मदत करण्याऐवजी नागरिकांची बिअरच्या बाटल्या गोळा करण्यासाठी धडपड सुरु होती.

शेकडो नागरिकांनी अपघातग्रस्त ट्रक मधील पडलेले बिअरचे बॉक्स तसेच बॉटल्स पळवल्या.

Continues below advertisement

घटनेची माहिती मिळताच वाळूज एमआयडीसी पोलिसांनीतातडीने घटनास्थळी धाव घेतली आणि परिस्थिती नियंत्रणात आणण्यास सुरुवात केली.

हा अपघात नेमका कशामुळे झाला, याची चौकशी पोलिसांकडून केली जात आहे.

हा अपघात इतका भीषण होता की, पलटी झाल्यामुळे ट्रकमधून रस्त्यावर बियरच्या बॉटलचा सडा पडला.

या अपघातात बिअरच्या अनेक बाटल्या फुटल्या. त्यामुळे रस्त्यावर बिअरचा वास पसरला होता.

रस्त्यावर मोठ्या प्रमाणात काचेचे तुकडे आणि बियर सांडल्याचे चित्र दिसत होते.

मात्र, या सगळ्यात मद्यप्रेमी बिअरच्या बाटल्या गोळा करण्याची धडपड करत होते.

बिअरच्या बाटल्या भरण्यासाठी काहीजणांना गोण्या आणि पिशव्या आणल्या होत्या.