अनियंत्रित कार थेट दुभाजकाला धडकली; कारचा चुरडा, मागून येणाऱ्या गाडीच्या कॅमेऱ्यात थरार कैद

चंद्रपुरात अनियंत्रित कारने दुभाजकाला धडक दिली आहे.

भीषण अपघात मागून येणाऱ्या कारच्या कॅमेऱ्यात कैद झाला आहे.

चंद्रपूरच्या वरोर नाका येथे एका अनियंत्रित कारची दुभाजकाला धडक दिली आहे.

काल (शुक्रवारी) दुपारी वरोरा नाका चौकातील बाळासाहेब ठाकरे उड्डाणपुलाच्या खांबाला कारने जाऊन धडक दिली.

कारची धडक इतकी जबर होती की, दुभाजकाचा काही भाग खचून रस्त्यावरच कोसळला.

अपघातात नागपूरमधील रहिवाशी वाहनचालक नकुल दुबे गंभीर जखमी झाला आहे.

अपघातग्रस्त झालेल्या या कारच्या मागून येत असलेल्या एका दुसऱ्या कारच्या फ्रंट कॅमेऱ्यात भीषण अपघात कैद झाला आहे.

अपघाताचा व्हिडीओ सध्या सोशल मीडियावर व्हायरल होत आहे.