Chandrapur Fire : आगीत चंद्रपुरातील तीन मजली कपड्याचं दुकान खाक, कोट्यवधींचं नुकसान

चंद्रपूर जिल्ह्यातील बल्लारपूर शहरातील मोतीलाल मालू या तीन मजली कपड्याच्या दुकानाला भीषण आग लागली.

या आगीत संपूर्ण दुकान जळून खाक झालं आहे.

आज पहाटे तळमजल्यावर अचानक ही आग लागली आणि थोड्याच वेळात दुकानाचे तिन्ही मजले आगीच्या भक्ष्यस्थानी पडले.

बल्लारपूर नगरपरिषद, चंद्रपूर थर्मल पॉवर स्टेशन, बल्लारपूर पेपर मिल आणि अंबुजा सिमेंट येथून अग्निशमन दलाच्या गाड्या बोलावून आग विझविण्यात आली.

मात्र आगीत कोट्यवधी रुपयांचं नुकसान झाल्याचा प्राथमिक अंदाज आहे.

मोतीलाल मालू हे बल्लारपूर येथील सर्वात जुनं कपड्याचं दुकान आहे.

image 3

सात महिन्यांपूर्वीच या दुकानाचं नूतनीकरण करण्यात आलं होतं.

शॉर्टसर्किटमुळे ही आग लागल्याचा प्राथमिक अंदाज आहे.