Hanuman Jayanti 2023 : 105 फुटाचा विशालकाय बजरंगबली पाहा फोटो!
Hanuman Jayanti 2023 : जगातली सर्वात मोठी हनुमानाची मूर्ती म्हणून त्याची ओळख आहे.
Hanuman Jayanti 2023
1/14
असं म्हटलं जातं की प्रत्येक गावात काही वैशिष्ट्य असलं की त्या गावाला त्याची ओळख मिळते....काहीसं असच बुलढाण्यातील नांदुरा या गावाबाबत घडलं आहे.
2/14
नांदुरा गाव तसं छोटं पण मध्य रेल्वे व राष्ट्रीय महामार्ग क्र.6 येथून जाण्यापालिकडे या गावाची ओळख नव्हती पण आता नांदुरा या गावाला 2001 पासून नवीन ओळख मिळाली आहे ती म्हणजे "हनुमान नगरी"...
3/14
जगातली सर्वात मोठी हनुमानाची मूर्ती म्हणून त्याची ओळख आहे. आज या मूर्तीचं दर्शन घेण्यासाठी हजारो भाविक नांदुऱ्यात येतात.
4/14
जवळपास पंचवीस वर्षाआधी नांदुरा येथील एक कांदा उत्पादक शेतकरी आपला कांदा नागपूर येथील बाजारपेठेत विक्रीसाठी घेऊन गेला.
5/14
त्याठिकाणी एका आंध्रप्रदेशातील व्यापाराला या शेतकऱ्याचा कांद्याचा दर्जा आवडला. त्याने या शेतकऱ्याला कांदा कुठला अशी विचारपूस केली असता त्याने नांदुरा अस सांगितलं .
6/14
आंध्रप्रदेशातील या शिवराम मोहनराव या व्यापाऱ्याने नंतर नांदुरा येथे भेट देऊन याठिकाणी व्यापारानिमित्त स्थायिक होण्याचं ठरवलं.
7/14
मोहनराव हे बालाजींचे भक्त असल्याने त्यांनी याठिकाणी 1999 साली बालाजी ट्रस्ट स्थापन केलं. हनुमान हे बालाजीचे भक्त असल्याने त्यांनी नांदुरा येथे हनुमानाची भव्य व विशालकाय मूर्ती स्थापन करण्याचा निर्णय 2000 साली घेतला.
8/14
त्याकाळी अशी मूर्ती तयार करण्यासाठी जवळपास 50 ते 60 लाख रुपये खर्च येणार होता. त्यासाठी त्यांनी आंध्रप्रदेशातून मूर्तीकार आणून ही मूर्ती घडविली. या मूर्तीच्या बाजूलाच बालाजी चे भव्य व आकर्षक असे मंदिर ही बांधण्यात आले आहे.
9/14
आंध्रप्रदेशातील पेद्दापुरम येथील जॉन बाबू या मुर्तीकाराने ही मूर्ती तब्बल 210 दिवस अथक प्रयत्नातून साकारली आहे. ही 105 फूट उंच हनुमंताची मूर्ती अतिशय सुंदर व सुबक आहे.
10/14
मूर्तीच्या कपाळावर सुवर्ण लेपन केलेलं टिळक लावलेलं आहे. मूर्तीमध्ये एक इंच ते 12 इंच साईझ चे जवळपास एक हजार कृत्रिम डायमंड लावलेले आहेत.
11/14
मूर्तीचे डोळे 27 इंच बाय 24 इंच या आकाराचे असून मानवाचे कृत्रीम डोळे बनविणाऱ्या कंपनीत ते बनविले गेले आहेत. मूर्तीला दररोज जलाभिषेक करण्याची व्यवस्था करण्यात आली आहे.
12/14
तसेच मूर्तीला साडे तीन क्विंटलचा हार रिमोट द्वारे चढविण्याची सुद्धा व्यवस्था करण्यात आली आहे. हनुमान हे बालाजींचे भक्त असल्याने शेजारीच कोट्यवधी रुपये खर्च करून बालाजी मंदिर बनविण्यात आलंय.
13/14
सुंदर असे हे मंदिर आहे. तर या ठिकाणी एक नेत्र रुग्णालय सुद्धा चालविण्यात येत आहे
14/14
एकंदरीत जगातील या उंच व विशालकाय अशा हनुमंताच्या 105 फूट उंच मूर्तीची "गिनीज बुक ऑफ लिम्का " ने सुद्धा 2003साली दखल घेतली आहे. दररोज याठिकाणी हजारो भाविक दर्शनासाठी येतात वर्षभर या ठिकाणी विविध धार्मिक कार्यक्रम होत असतात.
Published at : 06 Apr 2023 04:48 PM (IST)