Bhiwandi Rain: भिवंडीत पावसाची जोर 'धार'! मुख्य रस्त्यांना नदी नाल्याचे स्वरूप, अनेकांच्या घरात शिरलं पाणी, कामवारी नदीनेही ओलांडली धोक्याची पातळी

Bhiwandi Rains : भिवंडी शहर व ग्रामीण भागात पावसाचा कहर पाहायला मिळाला आहे. भिवंडीत रात्रीपासून मुसळधार पावसाने हजेरी लावत जनजीवन विस्कळीत केलं आहे.

Mumbai Rains

Mumbai Rains : हवामान विभागाने वर्तविलेल्या अंदाजानुसार मुंबईतील बहुतांश भागात मध्यरात्रीपासून जोरदार पावसाला (Heavy Rain) सुरुवात झाली आहे. तर आज मंगळवारी (दि. 24) सकाळपासून मुंबईत (Mumbai News) ढगाळ वातावरण आहे.

अशातच या पावसाचा कहर भिवंडी शहर व ग्रामीण भागात देखील पाहायला मिळाला आहे. भिवंडीत रात्रीपासून मुसळधार पावसाने हजेरी लावत जनजीवन विस्कळीत केलं आहे.

शहरातील अनेक सखल भागात पाणी साचले असून अनेकांच्या घर आणि दुकानात ही पाणी शिरल्याच्या घटना घडल्या आहे.

यात बाजारपेठातील अनेक दुकानं पाण्याच्या तडाख्यात सापडली असून खाडीपार परिसरात घरांमध्ये पाणी शिरल्याने मोठं नुकसान झालं आहे.

यात प्रामुख्याने भाजी मार्केट, बाजारपेठ, खाडीपार, तीनबत्ती परिसरात पाणी पाणीच झाल्याचे बघायला मिळाले असून रस्त्यांना नदी नाल्याचे स्वरूप प्राप्त झाले होतं.

Continues below advertisement

दुसरीकडे कामवारी नदीनेही धोक्याची पातळी ओलांडली असून नदी काठच्या वसत्यांना सतर्कतेचा इशारा देण्यात आला आहे.

दरम्यान, आजपासून दि. 24 ते 28 जून दरम्यान सलग 5 दिवस समुद्राला मोठी भरती (High tide at sea) येणार आहे. यंदाच्या पावसाळ्यात (Monsoon 2025) तब्बल 19 वेळा समुद्राला मोठी भरती येणार आहे.