PHOTO: कापूस वेचला, ठेचा भाकरीची न्याहारी सुद्धा केली; रोहित पवार शेतकऱ्यांच्या बांधावर

राष्ट्रवादीचे आमदार रोहित पवार यांनी युवा संघर्ष यात्रा काढली असून, ही यात्रा गेल्या तीन दिवसापासून बीड जिल्ह्यात आहे.

दरम्यान, रात्री गेवराई तालुक्यात मुक्काम केल्यानंतर रोहित पवार यांची युवा संघर्ष यात्रा माजलगावच्या दिशेने निघाली.

दरम्यान, याचवेळी बाबुळवाडीच्या शिवारात त्यांनी शेतात कापूस वेचणाऱ्या शेतकऱ्यांसोबत स्वतः कापूस वेचत चर्चा केली.

दरम्यान, यावेळी शेतकऱ्यांच्या आग्रहास्तव त्यांनी न्याहारीला ठेचा भाकर खाऊन शेतकऱ्यांचा आग्रह पूर्ण केला.

यावेळी आमदार संदीप क्षीरसागर देखील रोहित पवार यांच्या यात्रेमध्ये सहभागी झाले आहेत.

दरम्यान, याबाबत रोहित पवार यांनी ट्वीट म्हटले आहे की, आज युवा संघर्ष यात्रेदरम्यान कापूस उत्पादक शेतकरी कुटुंबाशी संवाद साधला.

गेल्या वर्षी वर्षभर कापूस घरात ठेवून देखील भाव मिळाला नाही, लोकांची देणी द्यायची होती म्हणून अखेर नाईलाजाने कमी दराने कापूस विकावा लागला, गेल्या वर्षी खर्च देखील निघाला नाही : रोहित पवार

यंदा दुष्काळ असल्याने उत्पन्नात मोठी घट झाली असून, यंदा हंगामच वाया गेला असल्याची भावना या शेतकरी कुटुंबाने व्यक्त केली :रोहित पवार

सरकारला एकच सांगणं आहे, मराठवाड्यात परिस्थिती खूप बिकट आहे, सरकारने संवेदनशीलपणे विचार करावा : रोहित पवार