बीडकरांसाठी पर्वणी! मे महिन्यातच कपिलधार धबधबा ओसंडून वाहू लागला, 100 फूटांवरून पाण्याचा प्रचंड प्रवाह कोसळू लागला, Photos

बीडच्या निसर्ग सौंदर्यात भर टाकणारा कपिलधारा येथील धबधबा देखील खळखळून वाहत आहे.

beed

बीड जिल्ह्यातील प्रसिद्ध पर्यटन स्थळ असलेल्या कपिलधार धबधब्याने यंदा सगळ्यांना आश्चर्याचा सुखद धक्का दिला आहे.

गेल्या आठ दिवसात झालेल्या मान्सूनपूर्व पावसामुळे बीड जिल्ह्यातील पर्यटन स्थळ असलेल्या कपिलधारचा धबधबा प्रवाहित झाला आहे.

विशेष म्हणजे प्रथमच मे महिन्यातच हा धबधबा प्रवाहित झाल्याचे दिसून आल्याने कपिलधारा धबधब्याकडे पर्यटकांची पावले वळत आहेत.

गेल्या आठवडाभरात जिल्ह्यात जोरदार मान्सूनपूर्व पावसाने हजेरी लावली असून, यंदा मे महिन्यात तब्बल 119 मिमी पावसाची नोंद झाली आहे.

विशेष म्हणजे, शुक्रवारी रात्री पडलेल्या 20 मिमी पावसामुळे कपिलधार येथील दोन्ही धबधबे प्रवाहित झालेत.

सध्या या धबधब्यातून शंभर फूटांहून अधिक उंचीवरून पाणी कोसळत आहे, आणि त्यामुळेच पर्यटकांची गर्दी वाढू लागली आहे.

पर्यटनप्रेमींसाठी ही पर्वणी ठरत असून, कपिलधारने आधीच पावसाळ्याची चाहूल दिली आहे