New Bike Launched: रॉयल एनफिल्ड हिमालयन 450 लाँच; जाणून घ्या बाईकचे दमदार फिचर्स आणि किंमत

Royal Enfield Himalayan 450 Launched: रॉयल एनफिल्ड हिमालयन 450 ही बाईक आज भारतात लाँच झाली आहे. या बाईकचे दमदार फिचर्स आणि किंमत जाणून घेऊया.

Royal Enfield Himalayan 450 Looks and Features

अखेर आज Royal Enfield Himalayan 450 बाईकच्या किमती समोर आल्या आहेत. रॉयल एनफिल्ड हिमालयन 450 ची सुरुवातीची किंमत 2.69 लाख रुपये एक्स-शोरूम आहे. या बाईकमध्ये काय नेमकं काय खास आहे? जाणून घेऊया.

Royal Enfield ने भारतात नवीन हिमालयन 450 च्या बेस व्हेरियंटची किंमत 2.69 लाख रुपये एक्स-शोरूम ठेवली आहे. स्लेट मॉडेलची किंमत 2.74 लाख रुपये आहे.

तर समिट व्हेरिएंटची किंमत 2.79 लाख रुपये आहे. तर, टॉप-स्पेक हेन्ली ब्लॅक व्हेरिएंटची किंमत 2.89 लाख रुपये आहे.

हिमालयन दोन राइडिंग मोडमध्ये उपलब्ध आहे, ज्यात इको आणि स्पोर्ट मोडचा समावेश आहे.

नवीन हिमालयनसाठी बुकिंग आधीच सुरू आहे आणि इच्छुक ग्राहक 10,000 रुपयांच्या टोकन रकमेसह बुकिंग करू शकतात.

रॉयल एनफिल्डच्या या बाईकमध्ये 452 cc लिक्विड कूल्ड DOHC सिंगल सिलेंडर इंजिन आहे, जे 8000rpm वर 39.5 hp पॉवर आणि 5500rpm वर 40Nm चा पीक टॉर्क जनरेट करते.

हे इंजिन 6 स्पीड ट्रान्समिशन, असिस्ट आणि स्लिपर क्लचसह येईल. हे कंपनीचे आत्तापर्यंतचे सर्वात अ‍ॅडव्हान्स इंजिन आहे.

बाईकच्या पुढील बाजूस, प्री-लोड अ‍ॅडजस्टेबल मोनोशॉक 43 मिमी फोर्कसह उपलब्ध असेल. समोर 320mm डिस्क ब्रेक आणि मागील बाजूस 270mm डिस्क ब्रेक असेल.

196 किलो वजन असलेल्या या मोटरसायकलला 17 लिटरची इंधन टाकी असेल.

या आगामी मोटरसायकलच्या पुढील बाजूस 21 इंच चाके आणि मागील बाजूस 17 इंच चाके असतील.

Royal Enfield Himalayan 450 मध्ये 4-इंचाचे सर्कुलर TFT इन्स्ट्रुमेंट क्लस्टर, Google Maps सपोर्ट, स्विच करण्यायोग्य रियर ABS, राइडिंग मोड्स, LED लाइटिंग, ड्युअल-पर्पज रीअर टेल लाइट, स्पोक्ड व्हील्स यांसारखी फीचर्स असतील.

ही पॉवरफूल मोटरसायकल KTM 390 Adventure, BMW G 310 GS, Triumph Scrambler 400 X आणि Yezdi Adventure यांसारख्या बाईक्सना टक्कर देईल.

या बाईकचे इंडिकेटर्स काही अशा प्रकारचे असतील.