MG Comet EV: कॉमेट ईव्हीमध्ये Apple iPods चे फीचर्स? लाँचपूर्वीच इंटिरियरचा फोटो समोर

ब्रिटिश कार निर्माता कंपनी एमजी मोटर (MG Motor) भारतीय बाजारपेठेत नवीन इलेक्ट्रिक कार (Electric Car) Comet EV लाँच करण्यास तयार

एमजी मोटर इंडियाने त्यांच्या आगामी इलेक्ट्रिक कार MG Motor च्या इंटीरियरचा फोटो शेअर केला आहे. या फोटोतून ही इलेक्ट्रिक कार हाय-टेक असेल याची कल्पना येतेय या कारचं इंटिरियर काहीसं Apple iPods शी जुळते.

MG Comet EV ची स्पर्धा टाटा टियागो ईवी (Tiago EV) आणि सिट्रोएन ईसी 3 (Citroen eC3) शी असणार आहे.

Comet EV चे स्टियरिंग व्हील हे दोन-स्पोक स्टिअरिंग व्हील असून त्याच्या दोन्ही बाजूला कंट्रोल पॅनल देण्यात आलं आहे. कंपनी 10.25-इंचाच्या दोन मोठ्या स्क्रीनसह Comet EV लाँच करेल, ज्यात टचस्क्रीन आणि डिजिटल ड्रायव्हर डिस्प्लेचा समावेश असेल.

भारतीय बाजारपेठेतील कमी किमतीच्या इलेक्ट्रिक कारची लोकप्रियता लक्षात घेता, कंपनी Comet EV कार 8 ते 10 लाख रुपयांच्या (Comet EV Price) सुरुवातीच्या किमतीसह बाजारात लॉन्च करू शकते. मात्र, एमजी मोटरकडून किमतीबाबत अद्याप कोणतीही माहिती देण्यात आलेली नाही.