Hyundai Exter SUV: ह्युंदाईची नवीन एक्सटर एसयूव्ही लाँच; पाहा कारचा लूक आणि खास वैशिष्ट्यं

ह्युंदाईने भारतामध्ये Exter micro SUV लाँच केली आहे, ज्याची सुरुवातीची किंमत 5.99 लाख रुपये आहे. टॉप-एंड व्हर्जनची किंमत 9.3 लाख रुपये आहे, तर CNG व्हर्जनची किंमत 8.2 लाख रुपये आहे.

ह्युंदाई एसयूव्ही लाइन-अपमधील एक्स्टरची लांबी 3815 मिमी आणि व्हीलबेस 2450 मिमी आहे. स्टाइलिंगनुसार एक्स्टरमध्ये ग्रिल, तसेच मागील बाजूस पॅरामेट्रिक ह्युंदाई डिझाइन आहे.

एक्स्टरच्या लाइटिंग पॅटर्नमध्ये हेडलॅम्प तसेच टेल-लॅम्प या दोन्हींसाठी एच पॅटर्न आहे. याला व्हील आर्क आणि स्किड प्लेट देखील मिळतात जे इतर SUV स्टाइलिंग टच आहेत.

इंटीरियरबद्दल बोलायचं झालं तर कारची रचना ऑरा किंवा निओस सारखीच आहे, ज्यामध्ये सेम पॅटर्न डॅशबोर्ड आणि 8-इंच टचस्क्रीन आहे. एक्स्टरला i20 प्रमाणेच डिजिटल इन्स्ट्रुमेंट क्लस्टर देखील मिळतो. एक्स्टर 6 मोनोटॉन आणि 3 ड्युअल टोन रंगांमध्ये येईल.

वैशिष्ट्यांबद्दल बोलायचं झालं तर, एक्स्टरला व्हॉईस कमांडद्वारे चालवलं जाणारं सिंगल पेन सनरूफ आणि डॅशकॅम मिळतो, जे इतर एसयूव्ही ऑफर करत नाही.

इतर वैशिष्ट्यांमध्ये कनेक्टेड कार टेक, ओटीए अपडेट्स, 6 एअरबॅग्ज, स्वयंचलित हवामान नियंत्रण, ऍपल कारप्ले, अँड्रॉइड ऑटो, व्हॉईस कमांड्स, फूटवेल लाइटिंग इत्यादी आहे.

एक्स्टर फक्त 1.2L पेट्रोलसह येईल, परंतु याची CNG आवृत्ती देखील आहे. 1.2L पेट्रोल 83bhp विकसित करते आणि 5-स्पीड मॅन्युअल किंवा AMT ऑटोमॅटिकसह येते. CNG आवृत्ती कमी पॉवर विकसित करते आणि फक्त मॅन्युअलसह येते.

मायलेजच्या बाबतीत, एक्स्टर मॅन्युअलसाठी 19.4 kmpl आणि ऑटोमॅटिकसाठी 19.2 kmpl मायलेज देते. CNG मायलेज 27.1km/kg आहे. एक्स्टर ही कार टाटा पंच प्लस, निसान मॅग्नाइट आणि रेनॉल्ट किगरला देखील टक्कर देईल.