Shirdi Guru Poornima : गुरुपौर्णिमा निमित्त शिर्डीच्या साईनगरीत भक्तांची मांदियाळी
शिर्डीमध्ये गुरुपौर्णिमा उत्सवाचा मोठा उत्साह पाहायला मिळत आहे.
Download ABP Live App and Watch All Latest Videos
View In Appसाईबाबांना गुरु स्वरुप मानत हजारो साईभक्त गुरुचरणी नतमस्तक होत आहेत.
गुरुपौर्णिमेच्या आजच्या मुख्य दिवशी काकड आरतीनंतर अखंड पारायण समाप्ती झाली.
यावेळी श्रींची प्रतिमा, पोथी आणि विणाची मिरवणूक काढण्यात आली.
या मिरवणुकीत संस्थानचे अध्यक्ष तथा प्रधान जिल्हा न्यायाधीश सुधाकर यार्लगड्डा यांनी पोथी, तदर्थ समितीचे सदस्य तथा जिल्हाधिकारी सिद्धाराम सालीमठ यांनी वीणा व मुख्य कार्यकारी अधिकारी पी.शिवा शंकर (भा.प्र.से.) व वैद्यकिय संचालक ले.कर्नल डॉ.शैलेश ओक यांनी प्रतिमा घेऊन सहभाग घेतला.
साई समाधी मंदिरासह भाविक गुरुस्थान मंदिरातही दर्शनासाठी गर्दी केल्याचं पाहायला मिळतं.
साईबाबा बालफकिराच्या रुपात ज्या निमवृक्षाखाली प्रकटले त्या जागेला गुरुस्थान म्हणून ओळखले जाते. साईबाबा याच निमवृक्षाखाली ध्यान धारणा करत असत.
गुरुस्थानजवळील निमवृक्षाला प्रदक्षिणा घालून भाविक गुरुला नमन करत असून साईनामाच्या जयघोषाने परिसर दुमदूमून गेला आहे.
आज सकाळपासून भक्तांनी साईबाबांच्या दर्शनाला गर्दी केली असून साई मंदिरावर आकर्षक विद्युत रोषणाई करण्यात आली आहे.