Bhandardara Dam : भंडारदरा धरणाच्या पाणलोट क्षेत्रात पावसाचा जोर वाढला, प्रवरा नदीपात्रात पाण्याचा विसर्ग

अहमदनगर जिल्हयातील भंडारदरा धरणाच्या पाणलोट क्षेत्रात गेल्या दोन दिवसात पावसाचा जोर वाढला आहे.

त्यामुळे धरणातून चार हजार क्युसेक वेगाने प्रवरा नदीपात्रात पाण्याचा विसर्ग सुरु करण्यात आला आहे.

भंडारदरा धरणाचा साठा 100 टक्के झाला असून निळवंडे धरणाचा साठा 85 टक्यांवर जाऊन पोहोचला आहे.

निळवंडे धरणातून पाण्याचा विसर्ग सुरु झाल्याने हे पाणी जायकवाडीकडे जाणार आहे.

यामुळे मराठवाड्याला देखील मोठा दिलासा मिळणार आहे.

15 ते 20 दिवसानंतर पाणलोट क्षेत्रात पावसाने हजेरी लावली असली तरी लाभक्षेत्रात मात्र बळीराजा अद्यापही पावसाची वाट पाहत आहे.