राहुरीत फायटर जेटमधून पडलेला 'तो' जिवंत बॉम्ब अखेर निष्क्रिय, पुढे काय होणार? समोर आली मोठी अपडेट

Ahilyanagar News : राहुरी तालुक्यातील वरवंडी येथे फायटर जेटमधून जिवंत बॉम्ब पडल्याची घटना घडली होती. यामुळे परिसरात भीतीचे वातावरण निर्माण झाले होते.

Ahilyanagar News

राहुरी तालुक्यातील वरवंडी येथे फायटर जेट विमानातून पडलेला जिवंत बॉम्ब सात फूट खड्ड्यातून वर काढण्यात आलाय.

पुणे येथील भारतीय सैन्य दलाच्या बॉम्ब डिस्पोजल स्क्वॉड पथकाने बॉम्बचा स्फोट होऊ नये म्हणून तो निष्क्रिय केलाय.

हा बॉम्ब आता के. के. रेंज येथे नेऊन त्याचा विस्फोट करण्यात येणार आहे.

वरवंडी येथे 24 एप्रिलला फायटर जेट विमानातून बॉम्ब पडल्याची घटना झाली होती.

बॉम्ब पडल्यानंतर चार-पाच दिवसांनी वायुसेना आणि संरक्षणच्या पथकांनी घटनास्थळी पाहणी केली होती.

त्यावेळी सुदैवाने कुठलीही जीवितहानी झाली नाही.

घटनेची माहिती मिळताच जिल्हा प्रशासन, पोलिस यंत्रणा आणि वायुसेना पथक तातडीने घटनास्थळी दाखल झाले होते.

आता वायुसेनेच्या परवानगीने हा बॉम्ब निष्क्रिय करण्यात आलाय.

हा आता बॉम्ब नगरला नेण्यात येणार असून नगर-मनमाड महामार्गावरील वाहतूक एक तास पूर्णपणे बंद ठेवण्यात येणार आहे.