'या' सोप्या टिप्स नॉर्मल डिलिव्हरीची शक्यता वाढवू शकतात, जाणून घ्या!

गर्भावस्थेतल्या छोट्या सवयी, प्रसूती मोठ्या प्रमाणात सोपी करतात.

नॉर्मल डिलिव्हरी

नॉर्मल डिलिव्हरीसाठी गर्भवती महिलांनी काही महत्त्वाच्या गोष्टींचे पालन केल्यास प्रसूती अधिक सुलभ होऊ शकते.

नियमित चालणे, हलका व्यायाम, पेल्विक फ्लोअरचे (Kegel) व्यायाम आणि प्रेग्नंसी योगामुळे शरीर लवचिक राहते आणि लेबरच्या वेळी लागणारी ताकद वाढते.

योग्य श्वासोच्छ्वास तंत्रांचा सराव जसे डीप ब्रीदिंग आणि लॅमाझ—वेदना नियंत्रित ठेवण्यास आणि शांत राहण्यास मदत करतो.

आहारात प्रोटीन, आयर्न, कॅल्शियम आणि फायबरयुक्त अन्नाचा समावेश केल्याने ऊर्जा व हिमोग्लोबिन पातळी चांगली राखली जाते.

पुरेसे पाणी पिणे आणि द्रव पदार्थ घेणे देखील आवश्यक आहे, कारण हायड्रेशनमुळे गर्भाशयाची कार्यक्षमता सुधारते.

Continues below advertisement

मानसिक तयारीही तितकीच महत्त्वाची मेडिटेशन, शांत संगीत आणि सकारात्मक विचार यामुळे भीती आणि तणाव कमी होतो.

डॉक्टरांच्या सल्ल्याने योग्य वजन राखणे, बर्थ-बॉल व्यायाम किंवा हलके स्क्वॉट्स करणे पेल्विक भाग लवचिक ठेवते आणि बाळाचे पोझिशन योग्य होण्यास मदत करते.

जास्त वेळ बसून किंवा आडवे न राहता दिवसातून थोडे-थोडे चालणे लेबर सुरळीत ठेवू शकते. बेबीचे हेड-डाउन पोझिशन आणि आईचे सर्व पॅरामिटर्स तपासण्यासाठी नियमित फॉलो-अप खूप आवश्यक आहे. तसेच पुरेशी झोप घेतल्याने आणि शरीराला विश्रांती दिल्याने लेबरमध्ये लागणारी शक्ती टिकून राहते. अशा या सर्व गोष्टींचे पालन केल्यास नॉर्मल डिलिव्हरीची शक्यता अधिक वाढू शकते.(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )